კონტაქტი

საქართველოს კომუნიკაციების ეროვნული კომისია (შემდგომში ”კომისია”) აღნიშნავს, რომ 2004 წლის 15 ნოემბერს კომისიას (№ 6870-04) განცხადებით მიმართა ასოციაცია „მრაგამ”, რომელმაც წარმოადგინა მის მიერ სხვადასხვა ტელეარხებთან დადებული ხელშეკრულებები და მოითხოვა მათი, საქართველოს ზოგადი ადმინისტრაციული კოდექსის 272-ე მუხლის საფუძველზე, კომერციულ საიდუმლოებად ცნობა.

კომისიას მიაჩნია, რომ ასოციაცია „მრაგას” მიერ წარმოდგენილი ხელშეკრულებები კერძოდ: ასოციაცია ”მრაგას” და „ტვ-33” შორის 2004 წლის 1 ოქტომბერს დადებული ხელშეკრულება; ასოციაცია ”მრაგას” და საქართველოს კაბელური ტელექსელების კავშირის 2004 წლის 1 ნოემბრის ხელშეკრულება არ შეიცავენ ზოგადი ადმინისტრაციული კოდექსის 272-ე მუხლით გათვალისწინებულ ინფორმაციას და ამიტომ იგი ცნობილი უნდა იქნეს ღიად.

ზემოაღნიშნულიდან გამომდინარე საქართველოს ზოგადი ადმინისტრაციული კოდექსის 272-ე მუხლისა და 31-ე მუხლის, „კავშირგაბმულობისა და ფოსტის შესახებ” კანონის 21-ე მუხლის მე-2 პუნქტის თანახმად, კომისიამ

გადაწყვიტა:

1. უარი ეთქვას ასოციაცია „მრაგას” წარმოდგენილი ხელშეკრულებების კომერციულ საიდუმლოებად ცნობაზე და ცნობილ იქნას აღნიშნული ინფორმაცია ღიად, მათში საქართველოს ზოგადი ადმინისტრაციული კოდექსის 272-ე მუხლით გათვალისწინებული ინფორმაციის არ არსებობის გამო.

2.დაევალოს კომისიის აპარატის ადმინისტრაციას გადაწყვეტილების გამოქვეყნება ინტერნეტში კომისიის ოფიციალურ გვერდზე (ნ. ჯანელიძე); აგრეთვე გადაწყვეტილების ასოციაცია „მრაგასათვის” გაგზავნა (მ. ქადეიშვილი).

3.გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ. თბილისი რობაქიძის გამზირი 7ა) 6 თვის ვადაში.

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის სამართლებრივ საკითხთა სამსახურს (კ. ყურაშვილი).

კომისიის თავმჯდომარე დ. ქიტოშვილი