კონტაქტი

საქართველოს კომუნიკაციების ეროვნული კომისია (შემდგომში ”კომისია”) აღნიშნავს, რომ 2004 წლის 15 ნოემბერს კომისიას (№ 6874-04) განცხადებით მიმართა შპს „ივერთმედიამ”, რომელმაც წარმოადგინა მის მიერ სხვადასხვა ტელეარხებთან დადებული ხელშეკრულებები და მოითხოვა მათი, საქართველოს ზოგადი ადმინისტრაციული კოდექსის 272-ე მუხლის საფუძველზე, კომერციულ საიდუმლოებად ცნობა.

კომისიას მიაჩნია, რომ შპს „ივერთმედიას” მიერ წარმოდგენილი ხელშეკრულებები არ შეიცავენ ზოგადი ადმინისტრაციული კოდექსის 272-ე მუხლით გათვალისწინებულ ინფორმაციას და ამიტომ იგი ცნობილი უნდა იქნეს ღიად.

ზემოაღნიშნულიდან გამომდინარე საქართველოს ზოგადი ადმინისტრაციული კოდექსის 272-ე მუხლისა და 31-ე მუხლის, „კავშირგაბმულობისა და ფოსტის შესახებ” კანონის 21-ე მუხლის მე-2 პუნქტის თანახმად, კომისიამ

გადაწყვიტა:

1. უარი ეთქვას შპს „ივერთმედიას” წარმოდგენილი ხელშეკრულებების კომერციულ საიდუმლოებად ცნობაზე და ცნობილ იქნას აღნიშნული ინფორმაცია ღიად, მათში საქართველოს ზოგადი ადმინისტრაციული კოდექსის 272-ე მუხლით გათვალისწინებული ინფორმაციის არ არსებობის გამო.

2. დაევალოს კომისიის აპარატის ადმინისტრაციას (ნ. ჯანელიძე) აღნიშნული გადაწყვეტილების გამოქვეყნების ორგანიზება ინტერნეტში კომისიის ოფიციალურ გვერდზე;

3. დაევალოს კომისიის ადმინისტრაციას (მ.ქადეიშვილი) აღნიშნული გადაწყვეტილების გაგზავნა შპს „ივერთმედიასთვის”;

4. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ. თბილისი რობაქიძის გამზირი 7ა) 6 თვის ვადაში.

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის სამართლებრივ საკითხთა სამსახურს (კ. ყურაშვილი).

კომისიის თავმჯდომარე დ. ქიტოშვილი