კონტაქტი

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ შპს „ლოგოსმა” (რეგისტრირებული ქ. თბილისის საბურთალოს რაიონული სასამართლოს 1996 წლის 10 სექტემბრის N 5ა/4-694 დადგენილებით) კომისიას მიმართა განცხადებით (16.02.05) წარმოდგენილი დოკუმენტაციის (N401204, 28.01.05) შესაბამისად საქართველოში მაღალსიხშირული მოწყობილობების შემოტანის ნებართვის მიღების თაობაზე. შპს ლოგოსის„ საქმიანობის საგანია კომპიუტერული ტექნიკით, პერიფერიებით, მაკომპლექტირებელი დეტალებით და აქსესუარებით ვაჭრობა; კომპიუტერული პროგრამების დამუშავება, ადაპტირება და რეალიზაცია. მაღალსიხშირული მოწყობილობები, თანდართული შპს კრიმინალისტური ექსპერტიზის„ სპეციალისტის ცნობის (N 195-05, 16.02.05) თანახმად, წარმოადგენს სატელიტური კავშირის მიწისზედა მიმღებ-გადამცემ აპარატურას.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1.მიეცეს ნებართვა შპს „ლოგოსს” შემოიტანოს საქართველოს ტერიტორიაზე თანდართული დოკუმენტაციით (N 401204, 28.01.05) გათვალისწინებული მაღალსიხშირული მოწყობილობები;

2.უზრუნველყოს შპს „ლოგოსმა” კომისიაში ინფორმაციის წარმოდგენა მაღალსიხშირული მოწყობილობების რეალიზაციის შესახებ ორგანიზაციის, აპარატურის ტიპისა და საქარხნო ნომრების მითითებით;

3.აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში (ა. დაბრუნდაშვილი);

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სიხშირული რესურსების მარტვისა და სტანდარტიზაციის სამსახურს (ს. შავგულიძე).

კომისიის თავმჯდომარე დ. ქიტოშვილი