კონტაქტი

საქართველოს კომუნიკაციების ეროვნული კომისია (შემდეგში „კომისია”) აღნიშნავს, რომ შპს მთაწმინდა ტელერადიოკომპანიამ„ (რეგისტრირებული ქ. თბილისის კრწანისი-მთაწმინდის რაიონული სასამართლოს 1995 წლის 29 დეკემბრის N 4/4-251 დადგენილებით) კომისიას მიმართა განცხადებით (N 108, 22.02.05.) კომისიის გადაწყვეტილებით (N 525, 27.12.02) მინიჭებული სიხშირეეების გამოყენების ვადის გაგრძელების თაობაზე. შპს „მთაწმინდა ტელერადიოკომპანია”, N 1336 (ვადა 27.12.12.) ლიცენზიის პირობების შესაბამისად, აწარმოებს საკაბელო სატრანზიტო ტელერადიოსამაუწყებლო ქსელით მომსახურებას MMDS სისტემის გამოყენებით ქ. თბილისში.

მაუწყებლობის შესახებ„ საქართველოს კანონის 75-ე მუხლის შესაბამისად, კომისიამ

გადაწყვიტა:

1. მიენიჭოს შპს მთაწმინდა ტელერადიოკომპანიას„ 2500-2612 მგცჰ და 2612-2636 მგჰც სიხშირული დიაპაზონები ქ. თბილისში შიდასაწარმოო და ტექნოლოგიური დანიშნულებით, არაკომერციული მიზნით N 1336 ლიცენზიის მოქმედების ვადით (ვადა 27.12.12.);

2. აღირიცხოს შპს მთაწმინდა ტელერადიოკომპანიისთვის„ მინიჭებული სიხშირეები კომისიის შესაბამის ნებართვების უწყებრივ რეესტრში (ა.დაბრუნდაშვილი);

3. უზრუნველყოს შპს მთაწმინდა ტელერადიოკომპანიამ„ კომისიაში სათანადო ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;

4. კანონმდებლობის ცვლილების შემთხვევაში შპს მთაწმინდა ტელერადიოკომპანიისთვის„ სიხშირის მინიჭების საკითხი შესაბამისობაში იქნეს მოყვანილი კანონმდებლობასთან;

5. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

6. კონტროლი აღნიშნული გადაწყვეტილების შესრულებაზე დაევალოს სიხშირული რესურსების მართვისა და სტანდარტიზაციის სამსახურს (ს.შავგულიძე).

კომისიის თავმჯდომარე დ. ქიტოშვილი