კონტაქტი

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ აპარატის სტრუქტურული ერთეულების მიერ წარმოდგენილი მ/წლის პირველი კვარტლის სამუშაო გეგმის პროექტების საფუძველზე აპარატის ადმინისტრაციის მიერ მომზადებულ იქნა კომისიის 2005 წლის პირველი კვარტლის სამუშაო გეგმის წარმოდგენილი პროექტი.

კომისია ამასთანავე აღნიშნავს, რომ კომისიის მ/წლის პირველი კვარტლის სამუშაო გეგმაში აუცილებელია გათვალისწინებულ იქნეს:

ა) 2004 წლის სამუშაო კვარტალური გეგმებიდან განუხილველად დარჩენილი საკვანძო საკითხები (სატელეკომუნიკაციო დარგში კონკურენტუნარიანი ბაზრის წინაპირობების შექმნისათვის აუცილებელი მოთხოვნებიდან გამომდინარე დანახარჯების აღრიცხვისა და განაწილების ახალი მეთოდოლოგიური სახელმძღვანელო წესების (ე.წ.LRIC) შესახებ და სხვ.);

ბ) 2004 წლის მე-4 კვარტლის განმავლობაში სტრუქტურული ერთეულების მიერ გაწეული საქმიანობის ანგარიშების მომზადება;

გ) ქვეკომისიის სხდომების ჩატარების საკითხები და საქართველოს სხვადასხვა კანონების მიხედვით კომისიის მიერ შესარულებლად სავალდებულო საკონტროლო თარიღები;

დ) განსახილველად წარმოსადგენი დადგენილებებისა და გადაწყვეტილებების პროექტების პრიორიტეტულობა (აქტუალობა);

ე) კომისიის სხდომებზე წარსადგენი, ურთიერშეთანხმებული, სტრუქტურული ერთეულების მიერ ერთობლივად მოსამზადებელი საკითხების განხილვის ვადები;

ვ) კომისიის სხდომებზე განსახილველად წარსადგენი გადაწყვეტილების პროექტების სისრულესა და ხარისხზე პასუხისმგებელი პირები სტრუქტურულ ერთეულში;

თ) კომისიის სხდომებზე განსახილველი საკითხების საანგარიშო კვარტლის განმავლობაში თანაბრად გადანაწილება და ა.შ.

ყოველივე ზემოაღნიშნულიდან გამომდინარე კომისიის საქმიანობის მარეგულირებელი წესების მე-12 მუხლის მე-9 პუნქტისა და კომისიის აპარატის მუშაობის რეგლამენტის მე-2 მუხლის მე-2 პუნქტის შესაბამისად, კომისიამ კენჭისყრის შედეგად ერთხმად

გ ა დ ა წ ყ ვ ი ტ ა :

1. დამტკიცდეს კომისიის 2005 წლის პირველი კვარტლის წარმოდგენილი სამუშაო გეგმა (თან ერთვის) კომისიის სხდომაზე გამოთქმული შენიშვნებისა და წინადადებების გათვალისწინებით;

2. უზრუნველყონ აპარატის სტრუქტურული ერთეულების უფროსებმა:

ა) წინამდებარე სამუშაო გეგმით გათვალისწინებული გადაწყვეტილებების პროექტების დამტკიცებულ ვადებში კომისიის სხდომებზე წარდგენა;

ბ) მომავალში კვარტალური სამუშაო გეგმების მომზადებისას აპარატის მუშაობის წესის მე-2 მუხლით გათვალისწინებული სავალდებულო მოთხოვნების უპირობო დაცვა.

3. წარედგინოთ კომისიის წევრებს აპარატის თათბირებზე ყოველკვირეული ინფორმაცია (ი.ხარებავა) სტრუქტურული ერთეულების მიერ კომისიის მ/წლის პირველი კვარტლის სამუშაო გეგმით გათვალისწინებული საკითხების შესრულების მიმდინარეობის შესახებ;

4. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) ექვსი თვის ვადაში;

6. კონტროლი აღნიშნული გადაწყვეტილების შესრულებაზე დაევალოს აპარატის ადმინისტრაციას (ი. ხარებავა).

კომისიის თავმჯდომარე დ. ქიტოშვილი