კონტაქტი

ი/ს „ალექსანდრე სანიკიძემ„ (რეგისტრირებულია სამეწარმეო რეესტრში ქ. ბათუმის რაიონული საგადასახადო ინსპექციის მიერ და მინიჭებული აქვს საიდენტიფიკაციო N 145512558) კომისიას მიმართა განცხადებებით წარმოდგენილი დოკუმენტაციის (N 4069, 09.03.05) შესაბამისად საქართველოში მაღალსიხშირული მოწყობილობის შემოტანის ნებართვის მიღების თაობაზე. მაღალსიხშირული მოწყობილობა („MARKSAT”-ის ტიპის მიწისზედა თანამგზავრული სადგური) გამოყენებული უნდა იყოს ინტერნეტ კავშირისთვის შიდასაწარმოო და ტექნოლოგიური დანიშნულებით, არაკომერციული მიზნით.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1.მიეცეს ნებართვა ი/ს „ალექსანდრე სანიკიძეს„ შემოიტანოს საქართველოს ტერიტორიაზე თანდართული დოკუმენტაციებით (N 4069, 09.03.05) გათვალისწინებული მაღალსიხშირული მოწყობილობა;

2.უზრუნველყოს ი/ს „ალექსანდრე სანიკიძემ„ აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობის გამოყენებაზე ნებართვის მისაღებად;

3.აღირიცხოს ინფორმაცია შემოტანილი მაღალსიხშირული მოწყობილობის შესახებ კომისიის ნებართვების უწყებრივ რეესტრში (ა. დაბრუნდაშვილი);

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს სიხშირული რესურსების მართვისა და სტანდარტიზაციის სამსახურს (ს. შავგულიძე).

კომისიის თავმჯდომარე დ. ქიტოშვილი