კონტაქტი

საქართველოს კომუნიკაციების ეროვნული კომისია (შემდეგში „კომისია”) აღნიშნავს, რომ შპს ნოსტალგიამ„ (რეგისტრირებული ქ. ქუთაისის რაიონული სასამართლოს 1998 წლის 12 ოქტომბრის N12/4-848 დადგენილებით) კომისიას მიმართა განცხადებით (21.03.05) ქ. ქუთაისში რადიოსარელეო სიხშირის მინიჭების თაობაზე. შპს „ნოსტალგია”, N 785 ლიცენზიის (მოქმედების ვადა 31.12.2011.) პირობების შესაბამისად, აწარმოებს რადიომაუწყებლობას ქ. ქუთაისში და მიმდებარე სოფლებში 105.0 მგჰც სიხშირეზე 100 ვტ-ის სიმძლავრის გადამცემის გამოყენებით. რადიოსარელეო სიხშირე განსაზღვრულია რადიოსარელეო სისტემის ფუნქციონირებისთვის და გამოყენებული უნდა იყოს შიდასაწარმოო და ტექნოლოგიური დანიშნულებით, არაკომერციული მიზნით.

„მაუწყებლობის შესახებ„ საქართველოს კანონის 75-ე მუხლის შესაბამისად, კომისიამ

გადაწყვიტა:

1.მიენიჭოს შპს ნოსტალგიას„ 73.600 მგჰც სიხშირე მეორადი გამოყენების უფლებით ქ. ქუთაისში რადიოსარელეო ხაზის ფუნქციონირებისთვის შიდასაწარმოო და ტექნოლოგიური დანიშნულებით, არაკომერციული მიზნით N 785 ლიცენზიის მოქმედების ვადით (31.12.2011);

2. აღირიცხოს შპს ნოსტალგიისთვის„ მინიჭებული სიხშირე კომისიის შესაბამის ნებართვების უწყებრივ რეესტრში (ა. დაბრუნდაშვილი);

3. უზრუნველყოს შპს ნოსტალგიამ„ კომისიაში სათანადო ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;

4. კანონმდებლობის ცვლილების შემთხვევაში შპს ნოსტალგიისთვის„ სიხშირის მინიჭების საკითხი შესაბამისობაში იქნეს მოყვანილი კანონმდებლობასთან;

5. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

6. კონტროლი აღნიშნული გადაწყვეტილების შესრულებაზე დაევალოს სიხშირული რესურსების მართვისა და სტანდარტიზაციის სამსახურს (ს. შავგულიძე).

კომისიის თავმჯდომარე დ. ქიტოშვილი