კონტაქტი

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ ამერიკის შეერთებული შტატების საელჩომ კომისიას მიმართა განცხადებით (N 068/05) ოფიციალური დელეგაციის წევრების საქართველოში ყოფნის პერიოდში რადიოკავშირის დამყარების და უსაფრხოების დაცვის მიზნით, წარმოდგენილი ჩამონათვალის შესბამისად, ფიქსირებული სიხშირეების მინიჭების თაობაზე.

„კავშირგაბმულობისა და ფოსტის შესახებ” საქართველოს კანონის 42-ე მუხლის პირველი პუნქტის „ა” ქვეპუნქტისა და 48-ე მუხლის მე-2 პუნქტის, საქართველოს ზოგადი ადმინისტრაციული კოდექსის 274 და 30-ე მუხლების, საქართველოს პრეზიდენტის ბრძანებულებით (N42, 21.01.1997) დამტკიცებული ”სახელმწიფო საიდუმლოებას მიკუთნებულ ცნობათა ნუსხის” მე-3 თავის 3.2.20 პუნქტისა და „სახელმწიფო საიდუმლოების შესახებ„ საქართველოს კანონის მე-7 მუხლის მე-4 პუნქტის შესაბამისად, კომისიამ

გადაწყვიტა:

1. მიენიჭოს ამერიკის შეერთებული შტატების საელჩოს დროებით (ა/წლის 25 აპრილიდან 10 მაისამდე) სიხშირეები ამ გადაწყვეტილების დანართში (თან ერთვის) მითითებული ჩამონათვალის მიხედვით ქ.თბილისში რადიოკავშირისთვის;

2.საიდუმლოდ იქნეს მიჩნეული წინამდებარე გადაწყვეტილების დანართი;

3.აღირიცხოს ამერიკის შეერთებული შტატების საელჩოსთვის მინიჭებული სიხშირეები კომისიის საიდუმლო დოკუმენტაციის სპეციალურ რეესტრში (მ. ქადეიშვილი);

4.კანონმდებლობის ცვლილების შემთხვევაში ამერიკის შეერთებული შტატების საელჩოსთვის სიხშირეების მინიჭების საკითხი შესაბამისობაში იქნეს მოყვანილი კანონმდებლობასთან;

5.გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

6.კონტროლი აღნიშნული გადაწყვეტილების შესრულებაზე დაევალოს სიხშირული რესურსების მართვისა და სტანდარტიზაციის სამსახურს (ს.შავგულიძე).

კომისიის თავმჯდომარე დ.ქიტოშვილი