კონტაქტი

საქართველოს კომუნიკაციების ეროვნული კომისიის (შემდგომში „კომისია”) 2005 წლის 21 იანვრის N4 სხდომაზე წარმოდგენილი დღის წესრიგის პროექტის თაობაზე კომისიის აპარატის მუშაობის რეგლამენტის მე-4 მუხლის მე-17 და მე-18 პუნქტების საფუძველზე, კომისიამ კენჭისყრის შედეგად ერთხმად

გადაწყვიტა:

1. წარმოდგენილ კომისიის N 4 სხდომის დღის წესრიგის პროექტში დამატებით შეტანილ იქნეს 7 (შვიდი) საკითხი:

ა) შპს „პირველი რადიოსთვის” საეთერო საერთო რადიომაუწყებლობაზე ლიცენზიის გაცემის შესახებ (მომხს. დ. ქუთათელაძე);

ბ) შპს „ტელე-რადიო კომპანია მწვანე ტალღისთვის” საეთერო საერთო რადიომაუწყებლობაზე ლიცენზიის გაცემის შესახებ (მომხს. დ. ქუთათელაძე);

გ) შპს „სამაუწყებლო კომპანია რუსთავი 2”-ის N908 ლიცენზიის მოქმედების ვადის გაგრძელების შესახებ (მომხს. დ. ქუთათელაძე);

დ) შპს „უნივერსალ სექურითისთვის” მაღალსიხშირული მოწყობილობების საქართველოს ტერიტორიაზე შემოტანის თაობაზე ნებართვის გაცემის შესახებ (მომხს. ს. შავგულიძე);

ე) შპს „სკორპიო საპლაისთვის” მაღალსიხშირული მოწყობილობების საქართველოს ტერიტორიაზე შემოტანის თაობაზე ნებართვის გაცემის შესახებ (მომხს. ს. შავგულიძე);

ვ) შპს „უშიშროებისა და საკუთრების დაცვის სამსახური - თორნისთვის” მაღალსიხშირული მოწყობილობების საქართველოს ტერიტორიაზე შემოტანის თაობაზე ნებართვის გაცემის შესახებ (მომხს. ს. შავგულიძე);

ზ) სს „საქართველოს ელექტროკავშირისთვის” მაღალსიხშირული მოწყობილობების საქართველოს ტერიტორიაზე შემოტანის თაობაზე ნებართვის გაცემის შესახებ (მომხს. ს. შავგულიძე).

2. დამტკიცდეს კომისიის N 4 სხდომის დღის წესრიგი წარმოდგენილი სახით (თან ერთვის);

3. გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი, რობაქიძის გამზ. 7ა) 6 თვის ვადაში;

4. კონტროლი აღნიშნული გადაწყვეტილების შესრულებაზე დაევალოს კომისიის ადმინისტრაციას (ნ. ჯანელიძე).

კომისიის თავმჯდომარე დ. ქიტოშვილი