მოქალაქე არკადი დილოიანის განცხადების წარმოებაში მიღების თაობაზე

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ 2005 წლის 3 ივლისს  კომისიას განცხადებით მიმართა მოქალაქე  არკადი დილოიანმა, მცხოვრები ქ. თბილისი, დიღმის მასივი მე-4 კვ., მე-7 კორპუსი, ბინა 13, სააბონენტო ნომერი – 52 19 30,  რომელიც ასაჩივრებს  შპს „საქართველოს ტელეკომის“ ანგარიშს 355 ლარის ოდენობით, გაერთიანებულ სამეფოში 2003 წლის 9 ივლისს განხორციელებული სატელეფონო ზარისათვის.

კომისიასთან არსებულმა მომხმარებელთა უფლებების საზოგადოებრივი დამცველის სამსახურმა შეისწავლა განცხადების  შინაარსი და დაადგინა შემდეგი გარემოებები:

 1. განცხადება შემოტანილია უფლებამოსილი და ქმედუნარიანი  პირის -  სააბონენტო ნომრის 52 19 30 მფლობელის - ა. დილოიანის მიერ.

2. განცხადებაში მოპასუხედ განსაზღვრულია ელექტრონული კომუნიკაციების სფეროში საქმიანობის განმახორციელებელი ლიცენზირებული (ავტორიზებული) პირი – შპს „საქართველოს ტელეკომი“;

3. არ არსებობს სასამართლოს გადაწყვეტილება ან განჩინება იმავე დავის საგანზე მოსარჩელის მიერ სარჩელზე უარის თქმის, მოპასუხის მიერ სარჩელის ცნობის, ან მხარეთა მორიგების დამტკიცების შესახებ;

4. სასამართლო წარმოებაში არ არის საქმე დავაზე იმავე მხარეებს შორის, იმავე საგანზე და იმავე საფუძვლით.

კომისიამ იხელმძღვანელა საზოგადოებრივი დამცველის სამსახურის ინფორმაციით და „ელექტრონული კომუნიკაციების შესახებ“ საქართველოს კანონის  63-ე მუხლის მე-4 და მე-5 პუნქტების, „დამოუკიდებელი ეროვნული მარეგულირებელი ორგანოების შესახებ“ საქართველოს კანონის მე-151 მუხლის შესაბამისად,

გადაწყვიტა:

1.    მიღებულ იქნას წარმოებაში მოქალაქე ა. დილოიანის განცხადება;

2. უზრუნველყოს კომისიასთან არსებულმა მომხმარებელთა უფლებების საზოგადოებრივი დამცველის სამსახურმა (რ. შავიშვილი) განცხადების მარტივი ადმინისტრაციული წესით წარმოება;

3.   უზრუნველყოს კომისიის აპარატის ადმინისტრაციამ (ნ. ჯანელიძე) ამ გადაწყვეტილების გაგზავნა მოქალაქე ა. დილოიანისათვის და შპს „საქართველოს ტელეკომისათვის“;

      4.   გადაწყვეტილება შეიძლება გასაჩივრდეს ქ. თბილისის საოლქო სასამართლოში მისამართი: ქ. თბილისი, რობაქიძის გამზირი 7ა ,   6 თვის ვადაში;

      5. კონტროლი აღნიშნული გადაწყვეტილების შესრულებაზე დაევალოს კომისიასთან  არსებულ მომხმარებელთა უფლებების საზოგადოებრივი დამცველის სამსახურს (რ. შავიშვილი).

კომისიის თავმჯდომარე                                                                                                     დ. ქიტოშვილი