კონტაქტი

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ 2005 წლის 2 ივნისს კომისიას განცხადებით მიმართა ინდივიდუალურმა მეწარმე თამაზ მჭედლიშვილმა N 1424 ლიცენზიის (გაცემულია კომისიის 2004 წლის 22 ოქტომბრის N541 გადაწყვეტილებით) გაუქმების მოთხოვნით. კომისიის მიერ 2005 წლის 10 ივნისს მიღებული იქნა გადაწყვეტილება „ი/მ თამაზ მჭედლიშვილის ინდივიდუალური საწარმო „ტვ აფრიკა“-ს N1424 ლიცენზიის გაუქმების მიზნით საჯარო ადმინისტრაციული წარმოების დაწყების შესახებ“.

ი/მ თამაზ მჭედლიშვილის ინდივიდუალური საწარმო „ტვ აფრიკა“ N1424 ლიცენზიის გაუქმების საკითხის საჯარო მოსმენა გაიმართა 2005 წლის 8 ივლისს.

“მაუწყებლობის შესახებ” საქართველოს კანონის 38-ე მუხლის მე-4 პუნქტის და 74-ე მუხლის პირველი პუნქტის „ა“ ქვეპუნქტის შესაბამისად, კომისიამ

გადაწყვიტა:

1. გაუქმდეს ინდივიდუალური მეწარმე თამაზ მჭედლიშვილის ინდივიდუალური საწარმო „ტვ აფრიკა“-ს N1424 ლიცენზია;

2. დაევალოს კომისიის აპარატის სატელეკომუნიკაციო და საფოსტო ბაზრის რეგულირების სამსახურს (ე. ასანიძე):

ა) სათანადო მონაცემების კომისიის სალიცენზიო რეესტრში შეტანა;

ბ) “სამეწარმეო საქმიანობის ლიცენზიისა და ნებართვის გაცემის საფუძვლების შესახებ“ საქართველოს კანონის 34-ე მუხლის მე-7 და მე-8 პუნქტებით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიის გაუქმების თაობაზე ინფორმაციის „საქართველოს საკანონმდებლო მაცნეში“ გამოქვეყნება;

3. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ. თბილისი რობაქიძის გამზ. 7ა) 6 თვის ვადაში;

4. კონტროლი აღნიშნული გადაწყვეტილების შესრულებაზე დაევალოს სატელეკომუნიკაციო და საფოსტო ბაზრის რეგულირების სამსახურს (ე. ასანიძე).

კომისიის თავმჯდომარე დ.ქიტოშვილი