შპს ,,საქართველოს ფოსტისთვის“ საფოსტო კავშირით მომსახურებაზე ლიცენზიის გაცემის შესახებ

    საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ შპს ,,საქართვლოს ფოსტამ” (რეგისტრირებულია ქ.თბილისის მთაწმინდის რაიონის სასამართლოს მიერ 1995 წლის 6 ივლისის დადგენილებით, რეგისტრაციის N4/4-34) კომისიას მიმართა განცხადებით (15-1/824, 05.07.2005წ.) საფოსტო კავშირით მომსახურებაზე ლიცენზიის მისაღებად.

შპს ,,საქართველოს ფოსტის“ მიერ ლიცენზიის მისაღებად წარმოდგენილი დოკუმენტაცია  შესაბამისობაშია მოქმედ კანონმდებლობასთან და ლიცენზირებადი საქმიანობის პირობებთან.

“ელექტრონული კომუნიკაციების შესახებ” საქართველოს კანონის 64-ე მუხლის მე-6 პუნქტის, “კავშირგაბმულობისა და ფოსტის შესახებ” საქართველოს კანონის 34-ე მუხლის პირველი პუნქტის, 36-ე მუხლის მე-2 პუნქტის „ა“ ქვეპუნქტისა და 38-ე მუხლის პირველი პუნქტის საფუძველზე, კომისიამ

გადაწყვიტა:

1. მიეცეს N P 1  ლიცენზია შპს „საქართველოს ფოსტას“ საფოსტო კავშირით მომსახურებაზე;

2. ლიცენზიის სახე: საფოსტო კავშირით მომსახურება;

  ლიცენზიის სახეობა: ადგილობრივი და საერთაშორისო საფოსტო გზავნილების მიღებით, გაგზავნით, გადაზიდვით და დატარებით მომსახურება;   

3. დაევალოს კომისიის აპარატის სატელეკომუნიკაციო და საფოსტო ბაზრის რეგულირების სამსახურს (ე. ასანიძე):

ა)  სათანადო მონაცემების კომისიის სალიცენზიო რეესტრში შეტანა;

ბ) “სამეწარმეო საქმიანობის ლიცენზიისა და ნებართვის გაცემის საფუძვლების შესახებ“ საქართველოს კანონის 34-ე მუხლის   მე-7 და მე-8 პუნქტებით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიის გაცემის თაობაზე ინფორმაციის „საქართველოს საკანონმდებლო მაცნეში“ გამოქვეყნება;

გ) სალიცენზიო მოწმობის გაცემის უზრუნველყოფა;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, სარაჯიშვილის ქ. N 1ა) ერთი თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის სატელეკომუნიკაციო და საფოსტო ბაზრის რეგულირების სამსახურს  (ე. ასანიძე).

კომისიის თავმჯდომარე                                                                        დ. ქიტოშვილი