კონტაქტი

საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ შპს „ტესაკომ“ (რეგისტრირებული ქ.თბილისის საბურთალოს რ-ნის სასამართლოს 1995 წლის 27 დეკემბრის N 5ა/4-320 დადგენილებით) კომისიას მიმართა განცხადებით (N 27/01,11.07.05) თბილისი–ყაზბეგის მონაკვეთზე რადიოსარელეო სიხშირეების მინიჭების თაობაზე. შპს „ტესაკოს“ კომისიის გადაწყვეტილებით (N 2, 05.01.2005) მიეცა ლიცენზია N1440 „საქალაქთაშორისო და საერთაშორისო სატელეფონო კავშირით მომსახურეობაზე“. ლიცენზიის პირობების შესაბამისად საქმიანობისთვის, თბილისი–ყაზბეგის საკომუნიკაციო მაგისტრალზე, რადიოსარელეო სადგურების ფუნქციონირებისთვის შეირჩა სიხშირეები: 6660.00 მგჰც; 7000.00 მგჰც; 6740.00 მგჰც და 7080.00 მგჰც. სიხშირეები განსაზღვრულია რადიოსარელეო კავშირისთვის და გამოყენებული უნდა იყოს შიდასაწარმოო და ტექნოლოგიური დანიშნულებით, არაკომერციული მიზნით.

“ელექტრონული კომუნიკაციების შესახებ“ საქართველოს კანონის 47-ე მუხლის მე-3 პუნქტისა და საქართველოს კომუნიკაციების ეროვნული კომისიის საქმიანობის მარეგულირებელი წესების 29-ე მუხლის მე-7 პუნქტის შესაბამისად, კომისიამ

გადაწყვიტა:

1. მიენიჭოს შპს „ტესაკოს“ 6660.00 მგჰც; 7000.00 მგჰც; 6740.00 მგჰც და 7080.00 მგჰც სიხშირეები თბილისი – ყაზბეგის საკომუნიკაციო მაგისტრალზე, რადიოსარელეო სადგურების ფუნქციონირებისთვის, შიდასაწარმოო და ტექნოლოგიური დანიშნულებით, არაკომერციული მიზნით N 1440 ლიცენზიის მოქმედების ვადით (05.01.2015);

2. აღირიცხოს შპს „ტესაკოსთვის“ მინიჭებული სიხშირეები კომისიის შესაბამის ნებართვების უწყებრივ რეესტრში (ა. დაბრუნდაშვილი);

3. კანონმდებლობის ცვლილების შემთხვევაში შპს „ტესაკოსთვის“ სიხშირეების მინიჭების საკითხი შესაბამისობაში იქნეს მოყვანილი კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ საქმეთა კოლეგიაში (ქ.თბილისი, სარაჯიშვილის 1 ა ) 1 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს სიხშირული რესურსების მართვისა და სტანდარტიზაციის სამსახურს (ს. შავგულიძე).

კომისიის თავმჯდომარე დ. ქიტოშვილი