საქართველოს კომუნიკაციების ეროვნული კომისიის “შრომის ანაზღაურების, პრემირებისა და ფინანსური რეზერვის ფონდების შექმნისა და გამოყენების წესის შესახებ” დებულებაში ცვლილებებისა და დამატებების შეტანის შესახებ

საქართველოს კომუნიკაციების ეროვნული კომისიის 2000 წლის 3 ივლისის N1/11 გადაწყვეტილებით დამტკიცებულ დებულებაში “შრომის ანაზღაურების, პრემირებისა და ფინანსური რეზერვის ფონდების შექმნისა და გამოყენების წესის შესახებ” ცვლილებების შეტანის მიზნით, კომისიამ

გადაწყვიტა:

1. დებულების მე-10 პუნქტი ჩამოყალიბდეს შემდეგი რედაქციით:

“10. კომისიის კვარტალური ბიუჯეტის შესრულებისას საერთო ეკონომიის შემთხვევაში, კომისია უფლებამოსილია უზრუნველყოს კომისიისა და მისი აპარატის მუშაკების ერთი თვის შრომის ანაზღაურების ოდენობით პრემირება; პრემირების ფონდი აგრეთვე გამოიყენება ცალკეული თანამშრომლის პრემირებისთვის, მიღწეული წარმატების, ერთჯერადად განსაკუთრებით მნიშვნელოვანი დავალების შესრულებისა და წახალისებისათვის;”

2. დებულებას დაემატოს შემდეგი შინაარსის 11 პუნქტი:

“11. ფინანსური რეზერვის ფონდში თანხების არსებობის შემთხვევაში კომისია უზრუნველყოფს თანამშრომელთა დაზღვევას;”

3. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, სარაჯიშვილის N 1 ა ) ერთი  თვის ვადაში;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის ფინანსურ სამსახურს (ი.აბულაძე).

კომისიის თავმჯდომარე                                                      დ. ქიტოშვილი