შპს „მაგთიკომი“-სთვის რადიოსიხშირული სპექტრით სარგებლობის ლიცენზიის გაცემის შესახებ

  საქართველოს კომუნიკაციების ეროვნული კომისიის (შემდგომში „კომისია“) 2005 წლის 5 აგვისტოს N 551/10 გადაწყვეტილებით რადიოსიხშირული სპექტრით (1935 მგჰც - 1950 მგჰც; 2125 მგჰც – 2140 მგჰც; 1915 მგჰც -  1920 მგჰც) სარგებლობის ლიცენზიის მისაღებად გამოცხადებულ აუქციონში გამარჯვებულად  გამოცხადდა შპს „მაგთიკომი“. ამავე გადაწყვეტილებით შპს „მაგთიკომს“ „ელექტრონული კომუნიკაციების  შესახებ“ საქართველოს კანონის მე-2 მუხლის „ი“ ქვეპუნქტის და 52-ე მუხლის შესაბამისად განესაზღვრა ამოწურვადი რესურსით სარგებლობის საფასურის 30%-ის გადახდის წესი.

შპს „მაგთიკომის“ მიერ კომისიაში წარმოდგენილია N551/10 გადაწყვეტილებით განსაზღვრული თანხების გადახდის დამადასტურებელი დოკუმენტები, რომლის მიხედვით შპს „მაგთიკომის“ მიერ 2005 წლის 2 სექტემბერს გადახდილია:

ა) ამოწურვადი რესურსით სარგებლობის საფასურის  (20,379,352.00 ლარი) 10% ანუ 2,037,935.20 (ორი მილიონ ოცდაჩვიდმეტი ათას ცხრაას ოცდათხუთმეტი ლარი და 20 თეთრი) ლარი საქართველოს ცენტრალურ სახელმწიფო ბიუჯეტში;

ბ) ამოწურვადი რესურსით სარგებლობის საფასურის 10%-ს (2,037,935.20 ლარი) გამოკლებული ბეს სახით გადახდილი სალიცენზიო გადასახდელის საწყისი ოდენობის 10% (849,139.20 ლარი) ანუ 1,188,796.00 (ერთი მილიონ ას ოთხმოცდარვა ათას შვიდას ოთხმოცდათექვსმეტი) ლარი კომისიის ანგარიშზე;

გ) ამოწურვადი რესურსით სარგებლობის საფასურის 10% ანუ 2,037,935.20 (ორი მილიონ ოცდაჩვიდმეტი ათას ცხრაას ოცდათხუთმეტი ლარი და 20 თეთრი) ლარი უნივერსალური მომსახურების უზრუნველყოფის მიზნით გახსნილ კომისიის სპეციალურ ანგარიშზე.

„ელექტრონული კომუნიკაციების  შესახებ“ საქართველოს კანონის 52-ე მუხლის მე-6 პუნქტის თანახმად, კომისიამ

გადაწყვიტა:

1. მიეცეს რადიოსიხშირული სპექტრით სარგებლობის N F 2 ლიცენზია შპს “მაგთიკომს” მობილური საკომუნიკაციო მომსახურებისთვის 1935 მგჰც-დან 1950 მგჰც-მდე, 2125 მგჰც-დან  2140 მგჰც-მდე, 1915 მგჰც -დან  1920 მგჰც-მდე სიხშირულ დიაპაზონში 10 წლის ვადით;

2. ამოწურვადი რესურსით სარგებლობის საფასურის დარჩენილი 70%-ის  - 14,265,546.40 (თოთხმეტი მილიონ ორას სამოცდახუთი ათას ხუთას ორმოცდაექვსი ლარი და 40 თეთრი) ლარის გადახდა მოხდეს საქართველოს ცენტრალურ სახელმწიფო ბიუჯეტში შემდეგი რეკვიზიტების მიხედვით:

არასაგადასახადო შემოსავლების ერთიანი არასაგადასახადო (ვაკე-საბურთალო) ანგარიში - N200122900

საქართველოს ეროვნული ბანკი, ბანკის კოდი - N220101107

სალიცენზიო მოსაკრებლის კოდი - N300043018

3. ამოწურვადი რესურსით სარგებლობის საფასურის დარჩენილი 70%-ის  - 14,265,546.40 (თოთხმეტი მილიონ ორას სამოცდახუთი ათას ხუთას ორმოცდაექვსი ლარი და 40 თეთრი)  ლარის გადახდა მოხდეს შემდეგი გრაფიკის მიხედვით:

1,188,795.53 ლარი     -   2005 წლის 5 ოქტომბრამდე;

1,188,795.53 ლარი     -   2005 წლის 5 ნოემბრამდე;

1,188,795.53 ლარი     -   2005 წლის 5 დეკემბრამდე;

1,188,795.53 ლარი     -   2006 წლის 5 იანვრამდე;

1,188,795.53 ლარი     -   2006 წლის 5 თებერვლამდე;

1,188,795.53 ლარი     -   2006 წლის 5 მარტამდე;

1,188,795.53 ლარი     -   2006 წლის 5 აპრილამდე;

1,188,795.53 ლარი     -   2006 წლის 5 მაისამდე;

1,188,795.53 ლარი     -   2006 წლის 5 ივნისამდე;

1,188,795.53 ლარი     -   2006 წლის 5 ივლისამდე;

1,188,795.53 ლარი     -   2006 წლის 5 აგვისტომდე;

1,188,795.57 ლარი     -   2006 წლის 5 სექტემბრამდე;

4. უზრუნველყოს შპს „მაგთიკომმა“ :

ა) წინამდებარე გადაწყვეტილების მიღებიდან  ერთი წლის განმავლობაში პრაქტიკული საქმიანობის დაწყება;

ბ) წინამდებარე გადაწყვეტილების მიღებიდან  სამი წლის განმავლობაში საქართველოს მთელი ტერიტორიის დაფარვა;

გ) გამოყენებული ტექნიკური საშუალებების (საკომუტაცის სადგური)  IIF პორტებითა და შესაბამისი პროგრამული მართვით უზრუნველყოფა;

5. დაევალოს კომისიის აპარატის სატელეკომუნიკაციო და საფოსტო ბაზრის რეგულირების სამსახურს (ე. ასანიძე):

ა)  სათანადო მონაცემების კომისიის სალიცენზიო რეესტრში შეტანა;

ბ) “ლიცენზიებისა და ნებართვების შესახებ“ საქართველოს კანონის მე-13 მუხლით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიის გაცემის თაობაზე ინფორმაციის „საქართველოს საკანონმდებლო მაცნეში“ გამოქვეყნება;

გ) სალიცენზიო მოწმობის გაცემის უზრუნველყოფა;

6. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, სარაჯიშვილის N 1 ა ) ერთი  თვის ვადაში;

7. კონტროლი აღნიშნული გადაწყვეტილების შესრულებაზე დაევალოს კომისიის აპარატის სატელეკომუნიკაციო და საფოსტო ბაზრის რეგულირების სამსახურს (ე.ასანიძე).

კომისიის თავმჯდომარე:                                       დ.ქიტოშვილი