მოქალაქე ნიკოლოზ არუთინოვის განცხადების წარმოებაში მიღების თაობაზე

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ 2005 წლის 21 სექტემბერს  კომისიას საქართველოს პარლამენტის იურიდიულ საკითხთა კომიტეტმა გადმოუგზავნა (წერილი 4827-1/19.09.2005)  მოქალაქე  ნიკოლოზ არუთინოვის განცხადება, მცხოვრები ქ. თბილისი, ჯავახეთის ქუჩა, მე-4 კორპუსი, ბინა 10, სააბონენტო ნომერი – 730512,  რომელიც ასაჩივრებს  სს „საქართველოს გაერთიანებული სატელეკომუნიკაციო კომპანიის“ ანგარიშს 111 ლარისა და 64 თეთრის ოდენობით.

კომისიასთან არსებულმა მომხარებელთა უფლებების საზოგადოებრივი დამცველის სამსახურმა შეისწავლა განცხადების  შინაარსი და დაადგინა შემდეგი გარემოებები:

 1. განცხადება შემოტანილია უფლებამოსილი და ქმედუნარიანი  პირის -  სააბონენტო ნომრის 52 19 30 მფლობელის – ნიკოლოზ არუთინოვის მიერ.

2. განცხადებაში მოპასუხედ განსაზღვრულია ელექტრონული კომუნიკაციების სფეროში საქმიანობის განმახორციელებელი ლიცენზირებული (ავტორიზებული) პირი – სს „საქართველოს გაერთიანებული სატელეკომუნიკაციო კომპანია“;

3. არ არსებობს სასამართლოს გადაწყვეტილება ან განჩინება იმავე დავის საგანზე მოსარჩელის მიერ სარჩელზე უარის თქმის, მოპასუხის მიერ სარჩელის ცნობის, ან მხარეთა მორიგების დამტკიცების შესახებ;

4. სასამართლო წარმოებაში არ არის საქმე დავაზე იმავე მხარეებს შორის, იმავე საგანზე და იმავე საფუძვლით.

კომისიამ იხელმძღვანელა საზოგადოებრივი დამცველის სამსახურის ინფორმაციით და „ელექტრონული კომუნიკაციების შესახებ“ საქართველოს კანონის  63-ე მუხლის მე-4 და მე-5 პუნქტების, „დამოუკიდებელი ეროვნული მარეგულირებელი ორგანოების შესახებ“ საქართველოს კანონის მე-151 მუხლის შესაბამისად,

გადაწყვიტა:

1.    მიღებულ იქნას წარმოებაში მოქალაქე ნ. არუთინოვის განცხადება;

2. უზრუნველყოს კომისიასთან არსებულმა მომხმარებელთა უფლებების საზოგადოებრივი დამცველის სამსახურმა (რ. შავიშვილი) განცხადების მარტივი ადმინისტრაციული წესით წარმოება;

3.   უზრუნველყოს კომისიის აპარატის ადმინისტრაციამ (ნ. ჯანელიძე) ამ გადაწყვეტილების გაგზავნა მოქალაქე ნ. არუთინოვისა და  სს „საქართველოს გაერთიანებული სატელეკომუნიკაციო კომპანიისათვის“;

4.   გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, სარაჯიშვილის N1 ა) 1 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიასთან  არსებულ მომხმარებელთა უფლებების საზოგადოებრივი დამცველის სამსახურს (რ. შავიშვილი).

კომისიის თავმჯდომარის

მოვალეობის შემსრულებელი:                                                                                                 გ. ფრუიძე