კონტაქტი

საქართველოს კომუნიკაციების ეროვნული კომისია (შემდგომში “კომისია\") აღნიშნავს, რომ შპს „ქართული სატელეფონო კომპანია GTC“-მ (რეგისტრირებული ქ. თბილისის საბურთალოს რაიონული სასამართლოს 1998 წლის 29 აპრილის N 5/4-1645 დადგენილებით) კომისიას მიმართა განცხადებით (N 02/72-05, 31.08.05) ქ. თბილისში სიხშირეების მინიჭების თაობაზე. სიხშირეები გამოყენებული უნდა იყოს რადიოსარელეო კავშირებისთვის შიდასაწარმოო და ტექნოლოგიური დანიშნულებით, არაკომერციული მიზნით.

“ელექტრონული კომუნიკაციების შესახებ” საქართველოს კანონის 47-ე მუხლის მე-8 პუნქტისა და კომისიის საქმიანობის მარეგულირებელი წესების 29-ე მუხლის მე-7 პუნქტის შესაბამისად, კომისიამ

გადაწყვიტა:

1. მიენიჭოს შპს „ქართული სატელეფონო კომპანია GTC“-ს 7821.825 მგჰც და 8133.150 მგჰც სიხშირეები (გატარების ზოლი 3.5 მგჰც) ქ. თბილისში (მთაწმინდის სატელევიზიო ანძა – შპს “ოპიზას” ტერიტორია, ლილო, ჭირნახულის შესახვევი N 7) რადიოსარელეო ხაზის ფუნქციონირებისთვის შიდასაწარმოო და ტექნოლოგიური დანიშნულებით, არაკომერციული მიზნით ერთი წლის ვადით;

2. აღირიცხოს შპს „ქართული სატელეფონო კომპანია GTC“-სთვის მინიჭებული სიხშირეები კომისიის შესაბამის უწყებრივ რეესტრში (ა. დაბრუნდაშვილი);

3. კანონმდებლობის ცვლილების შემთხვევაში შპს „ქართული სატელეფონო კომპანია GTC“-სთვის სიხშირის მინიჭების საკითხი შესაბამისობაში იქნეს მოყვანილი კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, სარაჯიშვილის ქ. N 1ა) ერთი თვის ვადაში;

5. კონტროლი აღნიშნული გადაწყვეტილების შესრულებაზე დაევალოს სიხშირული რესურსების მართვისა და სტანდარტიზაციის სამსახურს (ს. შავგულიძე).

კომისიის თავმჯდომარე დ. ქიტოშვილი