კონტაქტი

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ 2005 წლის 29 აგვისტოს კომისიას განცხადებით მიმართა შპს “ამირანი-92”-მა N B1 ლიცენზიის (გაცემულია კომისიის 2005 წლის 15 ივლისის N494 გადაწყვეტილებით) გაუქმების მოთხოვნით. კომისიის მიერ 2005 წლის 2 სექტემბერს მიღებული იქნა გადაწყვეტილება შპს „ამირანი 92“-ის N B1 ლიცენზიის გაუქმების მიზნით საჯარო ადმინისტრაციული წარმოების დაწყების შესახებ“.

შპს „ამირანი“ N B1 ლიცენზიის გაუქმების საკითხის საჯარო მოსმენა გაიმართა 2005 წლის 30 სექტემბერს.

“მაუწყებლობის შესახებ” საქართველოს კანონის 38-ე მუხლის მე-4 პუნქტის, 74-ე მუხლის პირველი პუნქტის „ა“ ქვეპუნქტის და “ლიცენზიებისა და ნებართვების შესახებ” საქართველოს კანონის 22-ე მუხლის მე-6 და მე-7 პუნქტების შესაბამისად, კომისიამ

გადაწყვიტა:

1. ძალადაკარგულად გამოცხადდეს კომისიის 2005 წლის 15 ივლისის N494/1 გადაწყვეტილება შპს “ამირანი-92”-ისთვის ტელემაუწყებლობის ტრანზიტის ლიცენზიის გაცემის შესახებ;

2. დაევალოს კომისიის აპარატის სატელეკომუნიკაციო და საფოსტო ბაზრის რეგულირების სამსახურს (ე. ასანიძე):

ა) სათანადო მონაცემების კომისიის სალიცენზიო რეესტრში შეტანა;

ბ) “სამეწარმეო საქმიანობის ლიცენზიისა და ნებართვის გაცემის საფუძვლების შესახებ“ საქართველოს კანონის 34-ე მუხლის მე-7 და მე-8 პუნქტებით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიის გაუქმების თაობაზე ინფორმაციის „საქართველოს საკანონმდებლო მაცნეში“ გამოქვეყნება;

3. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, სარაჯიშვილის N 1 ა) ერთი თვის ვადაში;

4. კონტროლი აღნიშნული გადაწყვეტილების შესრულებაზე დაევალოს სატელეკომუნიკაციო და საფოსტო ბაზრის რეგულირების სამსახურს (ე. ასანიძე).

კომისიის თავმჯდომარე დ. ქიტოშვილი