კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა 2005 წლის 21 ოქტომბრის N 69 სხდომაზე წარმოდგენილი დღის წესრიგის პროექტი, კომისიის აპარატის მუშაობის რეგლამენტის მე-4 მუხლის მე-17 და მე-18 პუნქტების საფუძველზე

გადაწყვიტა:

1. გადატანილ იქნეს კომისიის N 69 სხდომის დღის წესრიგის პროექტის მე-3 („რეგულირების საფასურის გადახდის წესის შესახებ“ საქართველოს კომუნიკაციების ეროვნული კომისიის დადგენილების მიღების შესახებ) და მე-5 (აპარატის სტრუქტურული ერთეულების მიერ 2005 წლის მესამე კვარტალში კომისიაში შემოსულ კორესპონდენციაზე გაწეული მუშაობისა და კომისიის წევრების საკონტროლო დავალებების შესრულების მონიტორინგის შესახებ) საკითხები მ/წლის 28 ოქტომბრის კომისიის სხდომის დღის წესრიგის პროექტში;

2. წარმოდგენილ კომისიის N 69 სხდომის დღის წესრიგის პროექტში დამატებით შეტანილ იქნეს 6 (ექვსი) საკითხი:

ა) შპს ტელერადიოკომპანია “რიონის” N 251 ლიცენზიის მოდიფიცირების შესახებ (მომხს. თ. ძაგნიძე);

ბ) სს “საქართველოს გაერთიანებული სატელეკომუნიკაციო კომპანიისათვის” სიხშირეების მინიჭების შესახებ (მომხს. თ. ძაგნიძე);

გ) შპს ტელეკომპანია “მზესთვის” სიხშირეების მინიჭების შესახებ (მომხს. თ. ძაგნიძე);

დ) შპს ტელეკომპანია “თანამგზავრისთვის” სიხშირეების მინიჭების შესახებ (მომხს. თ. ძაგნიძე);

ე) შპს “ქართული სატელეფონო კომპანია – ჯტს”-სთვის რადიოსიხშირული სპექტრით სარგებლობის ლიცანზიის გაცემის შესახებ (მომხს. ე. ასანიძე);

ვ) საქართველოს კომუნიკაციების ეროვნული კომისიის 2003 წლის 10 ოქტომბრის N515/10 გადაწყვეტილებაში ცვლილების შესატანის მიზნით საჯარო ადმინისტრაციული წარმოების დაწყების შესახებ (მომხს. ე. ასანიძე);

3. დამტკიცდეს კომისიის N 69 სხდომის დღის წესრიგი წარმოდგენილი სახით (თან ერთვის);

4. გადაწყვეტილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, სარაჯიშვილის ქ. N1ა) ერთი თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიის ადმინისტრაციას (ნ. ჯანელიძე).

კომისიის თავმჯდომარე დ. ქიტოშვილი

კომისიის წევრი დ. პატარაია

კომისიის წევრი გ. ფრუიძე

კომისიის წევრი ზ. ნონიკაშვილი