კონტაქტი

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ 2005 წლის 18 აგვისტოს კომისიას განცხადებით მიმართა შპს “სატელიტსერვისის” დირექტორმა ა. ჭეიშვილმა, ინდ. საწარმო “ალექსანდრე ჭეიშვილი სატელიტსერვისის” N 1317 ლიცენზიის გაუქმების მოთხოვნით. კომისიის მიერ 2005 წლის 7 ოქტომბერს მიღებული იქნა გადაწყვეტილება ინდ. საწარმო “ალექსანდრე ჭეიშვილი სატელიტსერვისის” N 1317 ლიცენზიის გაუქმების მიზნით საჯარო ადმინისტრაციული წარმოების დაწყების შესახებ“.

ინდ. საწარმო “ალექსანდრე ჭეიშვილი სატელიტსერვისის” N 1317 ლიცენზიის გაუქმების თაობაზე ზეპირი მოსმენა გაიმართა 2005 წლის 28 ოქტომბერს

“მაუწყებლობის შესახებ” საქართველოს კანონის 38-ე მუხლის მე-4 პუნქტის, 74-ე მუხლის პირველი პუნქტის „ა“ ქვეპუნქტის და “ლიცენზიებისა და ნებართვების შესახებ” საქართველოს კანონის 22-ე მუხლის მე-6 და მე-7 პუნქტების შესაბამისად, კომისიამ

გადაწყვიტა:

1. ძალადაკარგულად გამოცხადდეს კომისიის 2002 წლის 28 ივნისის N233/1 გადაწყვეტილება ინდ. საწარმო “ალექსანდრე ჭეიშვილი სატელიტსერვი”-სთვის საკაბელო სატრანზიტო ტელერადიოსამაუწყებლო ქსელით მომსახურებაზე ლიცენზიის გაცემის შესახებ;

2. დაევალოს კომისიის აპარატის სატელეკომუნიკაციო და საფოსტო ბაზრის რეგულირების სამსახურს (ე. ასანიძე):

ა) სათანადო მონაცემების კომისიის სალიცენზიო რეესტრში შეტანა;

ბ) “ლიცენზიებისა და ნებართვების შესახებ“ საქართველოს კანონის მე-13 მუხლით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიის გაუქმების თაობაზე ინფორმაციის „საქართველოს საკანონმდებლო მაცნეში“ გამოქვეყნება;

3. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, სარაჯიშვილის N 1 ა ) ერთი თვის ვადაში;

4. კონტროლი აღნიშნული გადაწყვეტილების შესრულებაზე დაევალოს სატელეკომუნიკაციო და საფოსტო ბაზრის რეგულირების სამსახურს (ე. ასანიძე).

კომისიის წევრები: დ. პატარაია

გ. ფრუიძე

ზ.ნონიკაშვილი