საქართველოს კომუნიკაციების ეროვნული კომისიის 2005 წლის 21 ოქტომბრის N666/1 გადაწყვეტილებაში (შპს „ქართული სატელეფონო კომპანია ჯტს“-სთვის რადიოსიხშირული სპექტრით სარგებლობის ლიცენზიის გაცემის შესახებ) ცვლილების შეტანის შესახებ

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ 2005 წლის 21 ოქტომბრის N666/1 გადაწყვეტილებით შპს “ქართული სატელეფონო კომპანია ჯტს”-ს მიეცა რადიოსიხშირული სპექტრით სარგებლობის ლიცენზია. 2005 წლის 8 ნოემბერს კომისიას მიმართა შპს “ქართული სატელეფონო კომპანია ჯტს”-მ წერილით (N02/90-05) ამოწურვადი რესურსით სარგებლობის საფასურის გადახდის გრაფიკის შეცვლის თხოვნით, ორ თვეში ერთხელ საფასურის 1/6 ის გადახდით ერთი წლის განმავლობაში.

კომისიას შესაძლებლად მიაჩნია გაითვალისწინოს შპს “ქართული სატელეფონო კომპანია ჯტს”-ს თხოვნა და შეუცვალოს ამოწურვადი რესურსით სარგებლობის საფასურის გადახდის გრაფიკი და შეიტანოს შესაბამისი ცვლილება კომისიის 2005 წლის 21 ოქტომბრის N666/1 გადაწყვეტილებაში.

საქართველოს ზოგადი ადმინისტრაციული კოდექსის 63-ე მუხლისა და „ელექტრონული კომუნიკაციების  შესახებ“ საქართველოს კანონის 52-ე მუხლის მე-6 პუნქტის თანახმად, კომისიამ

გადაწყვიტა:

1. შევიდეს ცვლილება კომისიის 2005 წლის 21 ოქტომბრის N666/1 გადაწყვეტილებაში და გადაწყვეტილების მესამე პუნქტი ჩამოყალიბდეს შემდეგი რედაქციით:

“3. ამოწურვადი რესურსით სარგებლობის საფასურის დარჩენილი 70%-ის  - 242,605.12 (ორას ორმოცდაორი ათას ექვსას ხუთი ლარი და 12 თეთრი)   ლარის გადახდა მოხდეს შემდეგი გრაფიკის მიხედვით:

40,434.20 ლარი     -   2005 წლის 21  დეკემბრამდე;

40,434.20 ლარი     -   2006 წლის 21 თებერვლამდე;

40,434.20 ლარი     -   2006 წლის 21 აპრილამდე;

40,434.20 ლარი     -   2006 წლის 21 ივნისამდე;

40,434.20 ლარი     -   2006 წლის 21 აგვისტომდე;

40,434.20 ლარი     -   2006 წლის 21 ოქტომბრამდე;”

2. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, სარაჯიშვილის N 1 ა ) ერთი  თვის ვადაში;

3. კონტროლი აღნიშნული გადაწყვეტილების შესრულებაზე დაევალოს კომისიის აპარატის სატელეკომუნიკაციო და საფოსტო ბაზრის რეგულირების სამსახურს (ე.ასანიძე).

კომისიის წევრები:                                                                     დ. პატარაია

                                                                                                გ. ფრუიძე