შპს “თბილისი კარგო სერვისისთვის“ სიხშირეების მინიჭების შესახებ

საქართველოს კომუნიკაციების ეროვნული კომისია (შემდგომში “კომისია\\\\\\\") აღნიშნავს, რომ შპს “თბილისი კარგო სერვისმა” (რეგისტრირებული ქ.თბილისის სამგორის რაიონული სასამართლოს მიერ 1996 წლის 13 ნოემბრის  N 7ა/4-319 დადგენილებით)  კომისიას მიმართა განცხადებით (N 7/342-05, 08.11.05) ქ. თბილისის ტერიტორიაზე  ორი სიხშირის მინიჭების თაობაზე.  შპს “თბილისი კარგო სერვისი” ახორციელებს საფოსტო-სატვირთო გადაზიდვებს საჰაერო, სარკინიგზო, საავტომობილო და საზღვაო ტრანსპორტით. სიხშირეები გამოყენებული უნდა იყოს ოპერატიული რადიოკავშირისთვის შიდასაწარმოო და ტექნოლოგიური დანიშნულებით, არაკომერციული მიზნით.

          “ელექტრონული კომუნიკაციების  შესახებ” საქართველოს კანონის 47-ე მუხლის მე-8 პუნქტისა და საქართველოს კომუნიკაციების ეროვნული კომისიის საქმიანობის მარეგულირებელი წესების 29-ე მუხლის მე-7 პუნქტის შესაბამისად,  კომისიამ

გადაწყვიტა:

1.      მიენიჭოს შპს “თბილისი კარგო სერვისს” 405.350 მგჰც და 410.550 მგჰც სიხშირეები  ქ. თბილისში ოპერატიული  რადიოკავშირისათვის შიდასაწარმოო და ტექნოლოგიური დანიშნულებით, არაკომერციული   მიზნით ერთი წლის ვადით;

2.     აღირიცხოს შპს “თბილისი კარგო სერვისთვის” მინიჭებული სიხშირეები კომისიის შესაბამის ნებართვების უწყებრივ რეესტრში (ა. დაბრუნდაშვილი);

3.     კანონმდებლობის ცვლილების შემთხვევაში შპს ““თბილისი კარგო სერვისისთვის” სიხშირის მინიჭების   საკითხი  შესაბამისობაში  იქნეს  მოყვანილი  კანონმდებლობასთან;

4.           გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, სარაჯიშვილის ქ. N 1ა) ერთი თვის ვადაში;   

5.      კონტროლი აღნიშნული გადაწყვეტილების შესრულებაზე დაევალოს სიხშირული რესურსების მართვისა და სტანდარტიზაციის   სამსახურს (ს. შავგულიძე). 

ს. შავგულიძე

კ. ყურაშვილი

კომისიის წევრები:                           დ. პატარაია

                                                        გ. ფრუიძე

                                                        ზ. ნონიკაშვილი