სს “იუნაიტედ ინტერნეიშენალ სერვისისთვის” სიხშირეების მინიჭების შესახებ

საქართველოს კომუნიკაციების ეროვნული კომისია (შემდგომში “კომისია\\\\\\\") აღნიშნავს, რომ სს  “იუნაიტედ ინტერნეიშენალ  სერვისმა” (რეგისტრირებული ქ.თბილისის საქალაქო სასამართლოს სამოქალაქო საქმეთა კოლეგიის  მიერ 2005 წლის 12 სექტემბრის N 06/5/გ-8-9 დადგენილებით)  კომისიას მიმართა განცხადებით (N 7/341-05, 08.11.05) ქ. თბილისის ტერიტორიაზე  ორი სიხშირის მინიჭების თაობაზე.  სიხშირეები გამოყენებული უნდა იყოს ოპერატიული რადიოკავშირისთვის შიდასაწარმოო და ტექნოლოგიური დანიშნულებით, არაკომერციული მიზნით.

          “ელექტრონული კომუნიკაციების  შესახებ” საქართველოს კანონის 47-ე მუხლის მე-8 პუნქტისა და საქართველოს კომუნიკაციების ეროვნული კომისიის საქმიანობის მარეგულირებელი წესების 29-ე მუხლის მე-7 პუნქტის შესაბამისად,  კომისიამ

გადაწყვიტა:

1.      მიენიჭოს სს  “იუნაიტედ ინტერნეიშენალ  სერვისს” 405.100 მგჰც და 410.250 მგჰც სიხშირეები  ქ. თბილისში ოპერატიული  რადიოკავშირისათვის შიდასაწარმოო და ტექნოლოგიური დანიშნულებით, არაკომერციული   მიზნით ერთი წლის ვადით;

2.     აღირიცხოს სს  “იუნაიტედ ინტერნეიშენალ  სერვისისთვის” მინიჭებული სიხშირეები კომისიის შესაბამის ნებართვების უწყებრივ რეესტრში (ა. დაბრუნდაშვილი);

3.     კანონმდებლობის ცვლილების შემთხვევაში სს  “იუნაიტედ ინტერნეიშენალ  სერვისისთვის” სიხშირის მინიჭების   საკითხი  შესაბამისობაში  იქნეს  მოყვანილი  კანონმდებლობასთან;

4.           გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, სარაჯიშვილის ქ. N 1ა) ერთი თვის ვადაში;   

5.      კონტროლი აღნიშნული გადაწყვეტილების შესრულებაზე დაევალოს სიხშირული რესურსების მართვისა და სტანდარტიზაციის   სამსახურს (ს. შავგულიძე). 

    კომისიის თავმჯდომარე                         დ. ქიტოშვილი

    კომისიის წევრი                                     დ. პატარაია

    კომისიის წევრი                                     გ. ფრუიძე

    კომისიის წევრი                                     ზ. ნონიკაშვილი