საქართველოს ტექნიკური უნივერსიტეტისთვის სიხშირის მინიჭების შესახებ

საქართველოს კომუნიკაციების ეროვნული კომისია (შემდგომში “კომისია\") აღნიშნავს, რომ საქართველოს ტექნიკური უნივერსიტეტის გეოდეზიური კვლევის ცენტრმა კომისიას მიმართა განცხადებით (N 15-01/05, 29.11.05) საქართველოს ტერიტორიაზე  სიხშირის მინიჭების თაობაზე. სიხშირე გამოყენებული უნდა იყოს საინჟინრო-გეოდეზიური კვლევითი სამუშაოების ჩატარების დროს რადიოკავშირისთვის, შიდასაწარმოო და ტექნოლოგიური დანიშნულებით, არაკომერციული მიზნით.

          “ელექტრონული კომუნიკაციების  შესახებ” საქართველოს კანონის 47-ე მუხლის მე-8 პუნქტისა და საქართველოს კომუნიკაციების ეროვნული კომისიის საქმიანობის მარეგულირებელი წესების 29-ე მუხლის მე-7 პუნქტის შესაბამისად,  კომისიამ

გადაწყვიტა:

1.     მიენიჭოს საქართველოს ტექნიკურ უნივერსიტეტს 410.225 მგჰც სიხშირე საქართველოს ტერიტორიაზე  რადიოკავშირისათვის შიდასაწარმოო და ტექნოლოგიური დანიშნულებით, არაკომერციული   მიზნით ერთი წლის ვადით;

2.   აღირიცხოს საქართველოს ტექნიკური უნივერსიტეტისთვის მინიჭებული სიხშირეები კომისიის შესაბამის უწყებრივ რეესტრში (ა. დაბრუნდაშვილი);

3.   კანონმდებლობის ცვლილების შემთხვევაში საქართველოს ტექნიკური უნივერსიტეტისთვის სიხშირის მინიჭების   საკითხი  შესაბამისობაში  იქნეს  მოყვანილი  კანონმდებლობასთან;

4.        გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, სარაჯიშვილის ქ. N 1ა) ერთი თვის ვადაში;   

5.    კონტროლი აღნიშნული გადაწყვეტილების შესრულებაზე დაევალოს სიხშირული რესურსების მართვისა და სტანდარტიზაციის   სამსახურს (ს. შავგულიძე). 

 

 

 

კომისიის წევრები:                                                                   დ. პატარაია

 

 

                                                                                                            გ. ფრუიძე

 

 

                                                                                                            ზ. ნონიკაშვილი