შპს „მაგთიკომი“-სთვის რადიოსიხშირული სპექტრით სარგებლობის ლიცენზიის გაცემის შესახებ

საქართველოს კომუნიკაციების ეროვნული კომისიის (შემდგომში „კომისია“) 2005 წლის 22 ნოემბრის N 721/10 გადაწყვეტილებით რადიოსიხშირული სპექტრით (1745,1 მგჰც - 1760 მგჰც (გადაცემაზე) და 1840,1 მგჰც – 1855 მგჰც (მიღებაზე) სარგებლობის ლიცენზიის მისაღებად გამოცხადებულ აუქციონში გამარჯვებულად  გამოცხადდა შპს „მაგთიკომი“. ამავე გადაწყვეტილებით შპს „მაგთიკომს“ „ელექტრონული კომუნიკაციების  შესახებ“ საქართველოს კანონის მე-2 მუხლის „ი“ ქვეპუნქტის და 52-ე მუხლის შესაბამისად განესაზღვრა ამოწურვადი რესურსით სარგებლობის საფასურის 30%-ის გადახდის წესი.

შპს „მაგთიკომის“ მიერ კომისიაში წარმოდგენილია N721/10 გადაწყვეტილებით განსაზღვრული თანხების გადახდის დამადასტურებელი დოკუმენტები, რომლის მიხედვით შპს „მაგთიკომის“ მიერ 2005 წლის 9 დეკემბერს გადახდილია:

ა) ამოწურვადი რესურსით სარგებლობის საფასურის 10%-ის ანუ 102,600 (ას ორი ათას ექვსასი) ლარი საქართველოს ცენტრალურ სახელმწიფო ბიუჯეტში;

ბ) ამოწურვადი რესურსით სარგებლობის საფასურის 10%-ის ანუ 102,600 (ას ორი ათას ექვსასი)  ლარი უნივერსალური მომსახურების უზრუნველყოფის მიზნით გახსნილ კომისიის სპეციალურ ანგარიშზე.

ამასთან, შპს “მაგთიკომი”-ს მიერ კონკურსში მონაწილეობის მისაღებად წარმოდგენილ განცხადებასთან ერთად გადახდილია სალიცენზიო გადასახდელის 10% - 102,600 (ას ორი ათას ექვსასი) ლარი კომისიის ანგარიშზე.

„ელექტრონული კომუნიკაციების  შესახებ“ საქართველოს კანონის 52-ე მუხლის მე-6 პუნქტის თანახმად, კომისიამ

გადაწყვიტა:

1. მიეცეს რადიოსიხშირული სპექტრით სარგებლობის N F 4 ლიცენზია შპს “მაგთიკომს” მობილური საკომუნიკაციო მომსახურებისთვის 1745,1 მგჰც - 1760 მგჰც (გადაცემაზე) და 1840,1 მგჰც – 1855 მგჰც (მიღებაზე) სიხშირულ დიაპაზონში 10 წლის ვადით ;

2. ამოწურვადი რესურსით სარგებლობის საფასურის დარჩენილი 70%-ის  - 718,200.00 (შვიდას თვრამეტი ათას ორასი) ლარის გადახდა მოხდეს საქართველოს ცენტრალურ სახელმწიფო ბიუჯეტში შემდეგი რეკვიზიტების მიხედვით:

არასაგადასახადო შემოსავლების ერთიანი არასაგადასახადო (ვაკე-საბურთალო) ანგარიში - N200122900

საქართველოს ეროვნული ბანკი, ბანკის კოდი - N220101107

სალიცენზიო მოსაკრებლის კოდი - N300043018

3. ამოწურვადი რესურსით სარგებლობის საფასურის დარჩენილი 70%-ის  - 718,200.00 (შვიდას თვრამეტი ათას ორასი) ლარის გადახდა მოხდეს შემდეგი გრაფიკის მიხედვით:

59 850 ლარი     -   2006 წლის 16 იანვრამდე;

59 850 ლარი     -   2006 წლის 16 თებერვლამდე;

59 850 ლარი     -   2006 წლის 16 მარტამდე;

59 850 ლარი     -   2006 წლის 16 აპრილამდე;

59 850 ლარი     -   2006 წლის 16 მაისამდე;

59 850 ლარი     -   2006 წლის 16 ივნისამდე;

59 850 ლარი     -   2006 წლის 16 ივლისამდე;

59 850 ლარი     -   2006 წლის 16 აგვისტომდე;

59 850 ლარი     -   2006 წლის 16 სექტემბრამდე;

59 850 ლარი     -   2006 წლის 16 ოქტომბრამდე;

59 850 ლარი     -   2006 წლის 16 ნოემბრამდე;

59 850 ლარი     -   2006 წლის 16 დეკემბრამდე;

4. უზრუნველყოს შპს „მაგთიკომმა“:

ა) წინამდებარე გადაწყვეტილების მიღებიდან  ერთი წლის განმავლობაში პრაქტიკული საქმიანობის დაწყება;

ბ) წინამდებარე გადაწყვეტილების მიღებიდან  სამი წლის განმავლობაში საქართველოს მთელი ტერიტორიის დაფარვა;

გ) გამოყენებული ტექნიკური საშუალებების (საკომუტაციო სადგური)  IIF პორტებითა და შესაბამისი პროგრამული მართვით უზრუნველყოფა;

5. დაევალოს კომისიის აპარატის სატელეკომუნიკაციო და საფოსტო ბაზრის რეგულირების სამსახურს (ე. ასანიძე):

ა)  სათანადო მონაცემების კომისიის სალიცენზიო რეესტრში შეტანა;

ბ) “ლიცენზიებისა და ნებართვების შესახებ“ საქართველოს კანონის მე-13 მუხლით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიის გაცემის თაობაზე ინფორმაციის „საქართველოს საკანონმდებლო მაცნეში“ გამოქვეყნება;

გ) სალიცენზიო მოწმობის გაცემის უზრუნველყოფა;

6. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, სარაჯიშვილის N 1 ა ) ერთი  თვის ვადაში;

7. კონტროლი აღნიშნული გადაწყვეტილების შესრულებაზე დაევალოს კომისიის აპარატის სატელეკომუნიკაციო და საფოსტო ბაზრის რეგულირების სამსახურს (ე.ასანიძე).

კომისიის წევრები:                                                                     დ. პატარაია

                                                                                             გ. ფრუიძე

                                                                                                  ზ.ნონიკაშვილი