კონტაქტი

საქართველოს კომუნიკაციების ეროვნულმა კომისიამ (შემდგომში „კომისია“), განიხილა რა აპარატის სტრუქტურული ერთეულების მიერ წარმოდგენილი 2006 წლის პირველი კვარტლის სამუშაო გეგმების საფუძველზე აპარატის ადმინისტრაციის მიერ მომზადებული კომისიის მ/წლის პირველი კვარტლის სამუშაო გეგმის წარმოდგენილი პროექტი, კომისიის საქმიანობის მარეგულირებელი წესების მე-12 მუხლის მე-9 პუნქტის, კომისიის დებულების მე-5 მუხლის პირველი პუნქტის ა) ქვეპუნქტისა და კომისიის აპარატის მუშაობის წესის მე-2 მუხლის მე-2 პუნქტის შესაბამისად

გ ა დ ა წ ყ ვ ი ტ ა :

1. დამტკიცდეს კომისიის 2006 წლის პირველი კვარტლის წარმოდგენილი სამუშაო გეგმა (თან ერთვის), კომისიის სხდომაზე გამოთქმული შენიშვნებისა და წინადადებების გათვალისწინებით;

2. უზრუნველყონ კომისიის აპარატის სტრუქტურული ერთეულის უფროსებმა:

ა) კომისიის წინამდებარე სამუშაო გეგმით გათვალისწინებული გადაწყვეტილების პროექტების კომისიის სხდომებზე დამტკიცებულ ვადებში განსახილველად წარმოდგენა;

ბ) კომისიის წლიური ანგარიშის მოსამზადებლად შესაბამისი ინფორმაციის მ/წლის 27 თებერვლამდე სტრატეგიული დაგეგმარების სამსახურისათვის წარდგენა;

გ) სამუშაო გეგმების მომზადებისას აპარატის მუშაობის წესის მე-2 მუხლით გათვალისწინებული სავალდებულო მოთხოვნების უპირობო დაცვა.

3. კომისიის თავმჯდომარეს სისტემატიურად წარედგინოს (ი. ხარებავა) ინფორმაცია დამტკიცებული სამუშაო გეგმის სტრუქტურული ერთეულების მიერ შესრულების მიმდინარეობის თაობაზე;

4. კონტროლი აღნიშნული გადაწყვეტილების შესრულებაზე დაევალოს აპარატის ადმინისტრაციას (ი.ხარებავა).

კომისიის თავმჯდომარე დ. ქიტოშვილი

კომისიის წევრი დ. პატარაია

კომისიის წევრი გ. ფრუიძე

კომისიის წევრი ზ. ნონიკაშვილი