საქართველოს კაბელური ტელექსელების კავშირის მიერ წარმოდგენილი ხელშეკრულებების ერთი ნაწილის კომერციულ საიდუმლოებად ცნობისა და მეორე ნაწილის ღიაობის თაობაზე

    საქართველოს კომუნიკაციების ეროვნული კომისია (შემდგომში “კომისია”) აღნიშნავს, რომ 2006 წლის 31 მარტს კომისიას (№6/256-06) განცხადებით მიმართა საქართველოს კაბელური ტელექსელების კავშირმა, რომელმაც წარმოადგინა მის მიერ სხვადასხვა ტელეარხებთან დადებული ხელშეკრულებები და მოითხოვა  წარმოდგენილი ხელშეკრულებების საქართველოს ზოგადი ადმინისტრაციული კოდექსის 272-ე მუხლის საფუძველზე კომერციულ საიდუმლოებად ცნობა.

    კომისია აღნიშნავს, რომ საქართველოს კაბელური ტელექსელების კავშირის მიერ წარმოდგენილი ხელშეკრულებების ნაწილი მართლაც შეიცავს კომერციული საიდუმლოების მქონე ინფორმაციას, კერძოდ  კომპანიის მიერ წარმოდგენილი ხელშეკრულებები: რუსეთის სახელმწიფო სატელევიზიო და რადიოსამაუწყებლო კომპანიასა და საქართველოს კაბელური ტელექსელების კავშირს შორის 2005 წლის 30 დეკემბერს დადებული № 1127/2220 ხელშეკრულების მე-4 და მე-6 მუხლები, აგრეთვე დახურული სააქციო საზოგადოება “პირველი არხი მსოფლიო ქსელსა” და  საქართველოს კაბელური ტელექსელების კავშირს შორის 2006 წლის 1 იანვარს დადებული № 03/06/1 ხელშეკრულების მე-5 მუხლი, შეზღუდული პასუხისმგებლობის საზოგადოება “აქცეპტსა” და საქართველოს კაბელური ტელექსელების კავშირს შორის 2005 წლის 23 დეკემბერს დადებული № MC/13/06 ხელშეკრულების მე-4 მუხლი და დახურული საზოგადოება “ფელისტასა” და საქართველოს კაბელური ტელექსელების კავშირს შორის 2005 წლის 29 აპრილს დადებული №02/Г ხელშეკრულების მე-2 მუხლი შეიცავს კომერციული ფასეულობის მქონე ინფორმაციას, რომლის გამჟღავნებამაც შეიძლება ზიანი მიაყენოს საქართველოს კაბელური ტელექსელების კავშირის კონკურენტუნარიანობას.

    რაც შეეხება საქართველოს კაბელური ტელექსელების კავშირის მიერ კომისიაში წარმოდგენილ ღია სააქციო საზოგადოება “ტელეკომპანია ნტვ”-სა და საქართველოს კაბელური ტელექსელების კავშირს შორის 2005 წლის 16 თებერვალს გაფორმებული ხელშეკრულების დამატებით შეთანხმებას (№ 1), კომისია აღნიშნავს, რომ წარმოდგენილი დოკუმენტი არ შეიცავს საქარველოს ზოგადი ადმინისტრაციული კოდექსის 272-ე მუხლით გათვალისწინებულ ინფორმაციას, შესაბამისად აღნიშნული შეთანხმება ვერ იქნება ცნობილი კომერციულ საიდუმლოებად.

            ზემოაღნიშნულიდან გამომდინარე საქართველოს ზოგადი ადმინისტრაციული კოდექსის 272-ე და 31-ე მუხლის თანახმად, კომისიამ 

გადაწყვიტა:

1. ცნობილ იქნას საქართველოს კაბელური ტელექსელების კავშირის მიერ წარმოდგენილი: რუსეთის სახელმწიფო სატელევიზიო და რადიოსამაუწყებლო კომპანიასა და საქართველოს კაბელური ტელექსელების კავშირს შორის 2005 წლის 30 დეკემბერს დადებული № 1127/2220 ხელშეკრულების მე-4 და მე-6 მუხლები, აგრეთვე დახურული სააქციო საზოგადოება “პირველი არხი მსოფლიო ქსელსა” და  საქართველოს კაბელური ტელექსელების კავშირს შორის 2006 წლის 1 იანვარს დადებული № 03/06/1 ხელშეკრულების მე-5 მუხლი, შეზღუდული პასუხისმგებლობის საზოგადოება “აქცეპტსა” და საქართველოს კაბელური ტელექსელების კავშირს შორის 2005 წლის 23 დეკემბერს დადებული № MC/13/06 ხელშეკრულების მე-4 მუხლი და დახურული საზოგადოება “ფელისტასა” და საქართველოს კაბელური ტელექსელების კავშირს შორის 2005 წლის 29 აპრილს დადებული №02/Г ხელშეკრულების მე-2 მუხლი საქართველოს კაბელური ტელექსელების კავშირის კომერციულ საიდუმლოებად ამ ხელშეკრულებათა მოქმედების ვადით;

2. უარი ეთქვას საქართველოს კაბელური ტელექსელების კავშირს ღია სააქციო საზოგადოება “ტელეკომპანია ნტვ”-სთან 2005 წლის 16 თებერვალს გაფორმებულ ხელშეკრულების დამატებითი შეთანხმების (№ 1) კომერციულ საიდუმლოებად ცნობაზე და ცნობილ იქნეს იგი ღიად მასში საქარველოს ზოგადი ადმინისტრაციული კოდექსის 272-ე მუხლით გათვალისწინებული ინფორმაციის არ არსებობის გამო.

3. დაევალოს კომისიის აპარატის ადმინისტრაციას (მ. ქადეიშვილი) აღნიშნული გადაწყვეტილების საქართველოს ზოგადი ადმინისტრაციული კოდექსის 31-ე მუხლის მე-2 პუნქტის შესაბამისად საჯარო რეესტრში შეტანა;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, სარაჯიშვილის ქ №1ა) ერთი თვის ვადაში;

5. კონტროლი აღნიშნული გადაწყვეტილების შესრულებაზე დაევალოს სამართლებრივ საკითხთა სამსახურს  (კ. ყურაშვილი).

კომისიის თავჯდომარე                                                       დ. ქიტოშვილი  

კომისიის წევრი:                                                                      დ. პატარაია

           გ. ფრუიძე

                   ზ. ნონიკაშვილი