კონტაქტი

საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ “ელექტრონული კომუნიკაციების შესახებ” საქართველოს კანონის 50-ე მუხლის, კომისიის 2005 წლის 12 დეკემბრის 13 დადგენილებით დამტკიცებული “რადიოსიხშირული სპექტრით ან/და ნუმერაციის რესურსით სარგებლობის უფლების მოსაპოვებლად აუქციონის გამართვის დებულების” შესაბამისად, კომისიამ 2006 წლის 21 თებერვალს მიიღო გადაწყვეტილება რადიოსიხშირული სპექტრით სარგებლობის ლიცენზიის მისაღებად აუქციონის გამართვის შესახებ, რომლის მე-2 პუნქტის თანახმად, აუქციონის ჩატარების თარიღად განისაზღვრა 2006 წლის 21 აპრილი 13:00 საათი.

კომისია აღნიშნავს, რომ საქართველოს შრომის კანონთა კოდექსის 64-ე მუხლის პირველი ნაწილის შესაბამისად საწარმოები, დაწესებულებები და ორგანიზაციები არ მუშაობენ უქმე დღეებში და მათ შორის ზ) ქვეპუნქტის შესაბამისად - სააღდგომო დღეებში - დიდ პარასკევს, დიდ შაბათს, უფლისა ჩვენისა იესო ქრისტეს ბრწყინვალე აღდგომის დღეს, მიცვალებულთა მოხსენიების დღეს, ორშაბათს, რაც გარდამავალი თარიღებია.

საქართველოს შრომის კანონთა კოდექსის 64-ე მუხლის მე-2 პუნქტის შესაბამისად, უქმე დღეებში დასაშვებია მხოლოდ ისეთი სამუშაოები, რომელთა შეჩერება შეუძლებელია საწარმოო ტექნიკური პირობებით, ან გადაუდებელი საავარიო-სარემონტო და გადატვირთვა-გადმოტვირთვის სამუშაოები.

ზემოაღნიშნულიდან გამომდინარე, საქართველოს შრომის კანონთა კოდექსის 64-ე მუხლის, საქართველოს ზოგადი ადმინისტრაციული კოდექცის 63-ე მუხლის შესაბამისად, კომისიამ

გადაწყვიტა:

1. შევიდეს ცვლილება კომისიის 2006 წლის 21 თებერვლის №68/10 გადაწყვეტილების მე-2 პუნქტში და აუქციონის ჩატარების თარიღად განისაზრვროს 2006 წლის 25 აპრილი, 13.00 საათი.

2. დაევალოს კომისიის პრეს მდივანს (თ. ტყეშელაშვილი) აღნიშნული საკითხის საინფორმაციო უზრუნველყოფა;

3. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, სარაჯიშვილის №1ა ) ერთი თვის ვადაში;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის სამართლებრივ საკითხთა სამსახურს (კ. ყურაშვილი)

კომისიის თავმჯდომარე: დ. ქიტოშვილი

წევრები: დ. პატარაია

გ. ფრუიძე

ზ. ნონიკაშვილი