კონტაქტი

საქართველოს კომუნიკაციების ეროვნული კომისია (შემდგომში “კომისია”) აღნიშნავს, კომისიის 2006 წლის 24 მარტის N 120/10 გადაწყვეტილებით გამოცხადდა აუქციონი ციფრების სამნიშნა კომბინაციის ნუმერაციის რესურსით სარგებლობის ლიცენზიის მისაღებად.

კომისია აღნიშნავს რომ, აღნიშნული გადაწყვეტილების მე-7 პუნქტში, სადაც გათვალისწინებულია ლიცენზიის მაძიებლის განცხადებასთან ერთად წარმოსადგენი დოკუმენტაცია, გამორჩენილია სალიცენზიო მოსაკრებელის გადახდის დამადასტურებელი საბუთის წარმოდგენის ვალდებულება. აღნიშნული ვალდებულება გათვალისწინებულია კომისიის 2005 წლის 12 დეკემბრის N 13 დადგენილების “რადიოსიხშირულის სპექტრით ან/და ნუმერაციის რესურსით სარგებლობის უფლების მოსაპოვებლად აუქციონის გამართვის დებულების” მე-4 მუხლის მე-3 პუნქტში.

“ელექტრონული კომუნიკაციების შესახებ” საქართველოს კანონის 49-ე მუხლის მე-2 პუნქტის, კომისიის 2005 წლის 12 დეკემბრის N 13 დადგენილების “რადიოსიხშირული სპექტრით ან/და ნუმერაციის რესურსით სარგებლობის უფლების მოსაპოვებლად აუქციონის გამართვის დებულებისა” და საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად, კომისიამ

გადაწყვიტა:

1. კომისიის 2006 წლის 24 მარტის N 120/10 გადაწყვეტილების მე-7 პუნქტს დაემატოს “გ” ქვეპუნქტი შემდეგი რედაქციით: “გ) სალიცენზიო მოსაკრებლის (3000 ლარი) გადახდის დამადასტურებელი საბუთი”;

2. დაევალოს კომისიის პრეს-მდივანს (თ. ტყეშელაშვილი) აღნიშნული საკითხის საინფორმაციო უზრუნველყოფა;

3. გადაწყვეტილება ცალკე გასაჩივრებას არ ექვემდებარება;

4. კონტროლი აღნიშნული გადაწყვეტილების შესრულებაზე დაევალოს სატელეკომუნიკაციო და საფოსტო ბაზრის რეგულირების სამსახურს (ე.ასანიძე).

კომისიის თავმჯდომარე: დ. ქიტოშვილი

კომისიის წევრები: დ. პატარაია

გ. ფრუიძე

ზ. ნონიკაშვილი