საქართველოს კომუნიკაციების ეროვნული კომისიის 2003 წლის 27 ივნისის N1 და 2006 წლის 24 მარტის N4 დადგენილებებში შესწორებების შეტანის თაობაზე საჯარო ადმინისტრაციული წარმოების დაწყების შესახებ

საქართველოს ზოგადი ადმინისტრაციული კოდექსის 63-ე მუხლის შესაბამისად, კომისიამ

გადაწყვიტა

1. დაიწყოს საჯარო ადმინისტრაციული წარმოება “საქართველოს კომუნიკაციების ეროვნული კომისიის 2003 წლის 27 ივნისის №1 და 2006 წლის 24 მარტის № 4 დადგენილებებში შესწორებების შეტანის თაობაზე” საქართველოს კომუნიკაციების ეროვნული კომისიის დადგენილების  მისაღებად;

2. დაევალოს კომისიის აპარატის სამართლებრივ საკითხთა სამსახურს (კ. ყურაშვილი)  საჯარო ადმინისტრაციული წარმოების უზრუნველყოფა;

3. “საქართველოს კომუნიკაციების ეროვნული კომისიის 2003 წლის 27 ივნისის № 1 და 2006 წლის 24 მარტის № 4 დადგენილებებში შესწორებების შეტანის თაობაზე” საქართველოს კომუნიკაციების ეროვნული კომისიის დადგენილების მიღების მიზნით ზეპირი მოსმენა  გაიმართოს 2006 წლის 16 ივნისს 12 საათზე, ხოლო დადგენილება მიღებულ იქნას 2006 წლის  23 ივნისს 16 საათზე;

4. გადაწყვეტილება ცალკე გასაჩივრებას არ ექვემდებარება საქართველოს ზოგადი ადმინისტრაციული კოდექსის 177-ე მუხლის მე-4 ნაწილის თანახმად;

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის სამართლებრივ საკითხთა სამსახურს (კ.ყურაშვილი).

კომისიის თავმჯდომარე                                          დ .ქიტოშვილი

               წევრი                                                        დ. პატარაია             

              წევრი                                                          გ. ფრუიძე

              წევრი                                                          ზ. ნონიკაშვილი