კონტაქტი

საქართველოს კომუნიკაციების ეროვნული კომისია (შემდგომში “კომისია”) აღნიშნავს, რომ 2006 წლის 25 აპრილს კომისიას (№6/350-06) განცხადებით მიმართა შპს ”ნიკა-95”-მა, რომელმაც წარმოადგინა მის მიერ სხვადასხვა ტელეარხთან დადებული ხელშეკრულებები და მოითხოვა წარმოდგენილი ხელშეკრულებების საქართველოს ზოგადი ადმინისტრაციული კოდექსის 272-ე მუხლის საფუძველზე კომერციულ საიდუმლოებად ცნობა.

კომისია აღნიშნავს, რომ შპს ”ნიკა-95”-ის მიერ წარმოდგენილი ხელშეკრულებების ერთი ნაწილი მართლაც შეიცავს კომერციული საიდუმლოების მქონე ინფორმაციას. კერძოდ, კომპანიის მიერ წარმოდგენილი ხელშეკრულებები: შპს ”ნიკა-95”-სა და Animal planet Chanel-ს შორის, დადებული 2004 წელს - მუხლები მე-6 და მე-7; შპს ”ნიკა-95”-სა და MTV NETWORKS EUROPE-ს შორის, დადებული 2004 წლის 1 ოქტომბერს - სააბონენტო გადასახადის ნაწილი; შპს ”ნიკა-95”-სა და DISCOVERY CHANNEL-ს შორის, დადებული 2003 წლის 15 მარტს - მუხლი მე-6, შეიცავს კომერციული ფასეულობის მქონე ინფორმაციას, რომლის გამჟღავნებამაც შეიძლება ზიანი მიაყენოს შპს ”ნიკა-95”-ის კონკურენტუნარიანობას.

ზემოაღნიშნულიდან გამომდინარე, საქართველოს ზოგადი ადმინისტრაციული კოდექსის 272-ე და 31-ე მუხლის თანახმად, კომისიამ

გადაწყვიტა:

1. ცნობილ იქნას შპს ”ნიკა-95” ის მიერ წარმოდგენილი ხელშეკრულებები: შპს ”ნიკა-95”-სა და Animal planet Chanel-ს შორის, დადებული 2004 წელს - მუხლები მე-6 და მე-7; შპს ”ნიკა-95”-სა და MTV NETWORKS EUROPE-ს შორის, დადებული 2004 წლის 1 ოქტომბერს - სააბონენტო გადასახადის ნაწილი; შპს ”ნიკა-95”-სა და DISCOVERY CHANNEL- ს შორის, დადებული 2003 წლის 15 მარტს - მუხლი მე-6, შპს ”ნიკა-95”-ის კომერციულ საიდუმლოებად ამ ხელშეკრულებათა მოქმედების ვადით;

2. დაევალოს კომისიის აპარატის ადმინისტრაციას (მ. ქადეიშვილი) აღნიშნული გადაწყვეტილების საქართველოს ზოგადი ადმინისტრაციული კოდექსის 31-ე მუხლის მე-2 პუნქტის შესაბამისად საჯარო რეესტრში შეტანა;

3. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, სარაჯიშვილის ქ №1ა) ერთი თვის ვადაში;

4. კონტროლი აღნიშნული გადაწყვეტილების შესრულებაზე დაევალოს სამართლებრივ საკითხთა სამსახურს (კ. ყურაშვილი).

კომისიის თავმჯდომარე დ. ქიტოშვილი

კომისიის წევრები: დ. პატარაია

გ. ფრუიძე

ზ. ნონიკაშვილი