“ურბნისისა და რუისის ეპარქიის ეკლესია-მონასტრების აღორძინების კავშირი რეგისტრირებული კავშირი”-სთვის დოკუმენტაციის წარმოდგენის ვადის განსაზღვრის შესახებ

საქართველოს კომუნიკაციების ეროვნული კომისიის (შემდგომში „კომისია“) 2005 წლის 16 დეკემბრის N777/10 გადაწყვეტილებით  გამოცხადდა კონკურსი სათემო რადიომაუწყებლობაზე ლიცენზიის მისაღებად გორის, ხაშურის და ქარელის რაიონებში.

კონკურსში მონაწილეობის მისაღებად კომისიაში განაცხადი წარმოადგინა “ურბნისისა და რუისის ეპარქიის ეკლესია-მონასტრების აღორძინების კავშირი რეგისტრირებულმა კავშირმა”.

  კომისიის 2005 წლის 16 დეკემბრის N777/10 გადაწყვეტილების და „მაუწყებლობის შესახებ“ საქართველოს კანონის 43-ე მუხლის მე-3 პუნქტის შესაბამისად 2006 წლის 27 იანვარს გაიმართა მოსამზადებელი სხდომა, რომელზეც კომისიამ განიხილა “ურბნისისა და რუისის ეპარქიის ეკლესია-მონასტრების აღორძინების კავშირი რეგისტრირებული კავშირის” განცხადება კონკურსში მონაწილეობის შესახებ.

   “ურბნისისა და რუისის ეპარქიის ეკლესია-მონასტრების აღორძინების კავშირი რეგისტრირებული კავშირის” მიერ არ არის წარმოდგენილი დოკუმენტები, რომლის წარმოდგენის აუცილებლობას „მაუწყებლობის შესახებ“ საქართველოს კანონის 41-ე მუხლი და კონკურსის გამოცხადების შესახებ კომისიის გადაწყვეტილება ითვალისწინებს: განსახორციელებელი საქმიანობის ტექნიკური პროექტი; განსახორციელებელი საქმიანობის დოკუმენტურად დასაბუთებული დაფინანსების გეგმა; დოკუმენტაცია პროგრამების გავრცელებისათვის გამოსაყენებელი ტექნიკური საშუალებების თაობაზე; განსახორციელებელი სამაუწყებლო კონცეფცია;

განმცხადებელი სათანადო დოკუმენტაციის წარმოდგენისთვის ითხოვს 15 სამუშაო დღეს.

„მაუწყებლობის შესახებ“ საქართველოს კანონის 43-ე მუხლის მე-4 პუნქტის და კონკურსის გამოცხადების შესახებ კომისიის გადაწყვეტილების შესაბამისად, ლიცენზიის მაძიებლის მიერ დოკუმენტაციის არასრულყოფილად წარდგენის შემთხვევაში კომისია აფრთხილებს ლიცენზიის მაძიებელს და აძლევს მას დამატებით არანაკლებ 5 და არა უმეტეს 15 სამუშაო დღეს დადგენილ მოთხოვნებთან შესაბამისობის უზრუნველყოფის მიზნით.

ზემოაღნიშნულიდან გამომდინარე, „მაუწყებლობის შესახებ“ საქართველოს კანონის 43-ე მუხლის მე-4 პუნქტის, კომისიის 2005 წლის 16 დეკემბრის N777/10 გადაწყვეტილების მე-6 პუნქტის და საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად, კომისიამ

გადაწყვიტა:

1. მიეცეს “ურბნისისა და რუისის ეპარქიის ეკლესია-მონასტრების აღორძინების კავშირი რეგისტრირებულ კავშირს” ვადა 15 სამუშაო დღე შემდეგი ინფორმაციის და დოკუმენტაციის წარმოსადგენად:

ა) განსახორციელებელი საქმიანობის ტექნიკური პროექტი;

ბ) განსახორციელებელი საქმიანობის დოკუმენტურად დასაბუთებული დაფინანსების გეგმა;

გ) დოკუმენტაცია პროგრამების გავრცელებისათვის გამოსაყენებელი ტექნიკური საშუალებების თაობაზე;

დ) განსახორციელებელი სამაუწყებლო კონცეფცია;

2.  “ურბნისისა და რუისის ეპარქიის ეკლესია-მონასტრების აღორძინების კავშირი რეგისტრირებული კავშირის” მიერ წინამდებარე გადაწყვეტილების პირველი პუნქტის შეუსრულებლობის შემთხვევაში კომისია მიიღებს გადაწყვეტილებას განცხადების განუხილველად დატოვების შესახებ;

3. კონტროლი გადაწყვეტილების შესრულებაზე დაევალოს სატელეკომუნიკაციო და საფოსტო ბაზრის რეგულირების სამსახურს (ე.ასანიძე);

4.  გადაწყვეტილება ცალკე გასაჩივრებას არ ექვემდებარება.

კომისიის თავმჯდომარე                              დ.ქიტოშვილი

კომისიის  წევრები:                                      

დ.პატარაია

გ.ფრუიძე

ზ.ნონიკაშვილი