ინდ.მეწარმე ”გიორგი გაფრინდაშვილი” - სთვის რადიოსიხშირული სპექტრით სარგებლობის ლიცენზიის გაცემის შესახებ

 საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიის 2006 წლის 7 ივლისის №310/10 გადაწყვეტილებით 2.50გჰც-დან 2.62გჰც-მდე რადიოსიხშირული სპექტრით სარგებლობის ლიცენზიის მისაღებად  გამოცხადებულ აუქციონში გამარჯვებულად  გამოცხადდა ინდ.მეწარმე ”გიორგი გაფრინდაშვილი”. ამავე გადაწყვეტილებით ინდ.მეწარმე ”გიორგი გაფრინდაშვილს” „ელექტრონული კომუნიკაციების  შესახებ“ საქართველოს კანონის მე-2 მუხლის „ი“ ქვეპუნქტისა და 52-ე მუხლის შესაბამისად განესაზღვრა ამოწურვადი რესურსით სარგებლობის საფასურის 30%-ის გადახდის წესი.

კომისია ასევე აღნიშნავს, რომ ინდ.მეწარმე ”გიორგი გაფრინდაშვილი”-ს მიერ ერთი თვის ვადაში გადახდილია ამოწურვადი რესურსით სარგებლობის საფასურის 30% - 2,625.30 (ორი ათას ექვსას ოცდახუთი ლარი და ოცდაათი თეთრი) ლარი.

ზემოაღნიშნულიდან გამომდინარე, „ელექტრონული კომუნიკაციების  შესახებ“ საქართველოს კანონის 52-ე მუხლის მე-6 პუნქტისა და “რადიოსიხშირული სპექტრით ან/და ნუმერაციის რესურსით სარგებლობის უფლების მოსაპოვებლად აუქციონის გამართვის დებულების” შესაბამისად, კომისიამ

გადაწყვიტა:

1. მიეცეს ინდ.მეწარმე ”გიორგი გაფრინდაშვილს” რადიოსიხშირული სპექტრით სარგებლობის № F31 ლიცენზია  და განესაზღვროს შემდეგი სალიცენზიო პირობები:

ა) რადიოსიხშირული სპექტრი: 2.50 გჰც-დან 2.62 გჰც-მდე სიხშირული ზოლის გამოყენებით უსადენო რადიოდაშვების ქსელით (მრავალარხიანი მრავალწერტილიანი განაწილების სისტემა) მომსახურებისათვის დუშეთის რაიონში;

ბ) ლიცენზიის მოქმედების ვადა: 2016 წლის 8 სექტემბრამდე;

გ) პრაქტიკული საქმიანობის დაწყების ვადა: ლიცენზიის გაცემიდან 1(ერთი) წელი;

2. ამოწურვადი რესურსით სარგებლობის საფასურის დარჩენილი 70%-ის (8,974.70 - რვა ათას ცხრაას სამოცდათოთხმეტი ლარი და სამოცდაათი თეთრი) გადახდა მოხდეს საქართველოს ცენტრალურ სახელმწიფო ბიუჯეტში შემდეგი რეკვიზიტების მიხედვით:

- ერთიანი ანგარიში არასაგადასახადო შემოსულობები (დუშეთი) - N200122900;

- საქართველოს ეროვნული ბანკი, ბანკის კოდი - N220101107;

- საბიუჯეტო შემოსავლის სახაზინო კოდი - N300153018;

3. ამოწურვადი რესურსით სარგებლობის საფასურის დარჩენილი 70%-ის (8,974.70 - რვა ათას ცხრაას სამოცდათოთხმეტი ლარი და სამოცდაათი თეთრი)  გადახდა მოხდეს შემდეგი გრაფიკის მიხედვით:

747,89 ლარი    -   2006 წლის 8 ოქტომბრამდე;

747,89 ლარი    -  2006 წლის  8 ნოემბრამდე;

747,89 ლარი    -   2006 წლის 8 დეკემბრამდე;

747,89 ლარი    -   2007 წლის 8 იანვრამდე;

747,89 ლარი    -   2007 წლის 8 თებერვლამდე;

747,89 ლარი    -   2007 წლის 8 მარტამდე;

747,89 ლარი    -   2007 წლის 8 აპრილამდე;

747,89 ლარი    -   2007 წლის 8 მაისამდე;

747,89 ლარი    -   2007 წლის 8 ივნისამდე;

747,89 ლარი    -   2007 წლის 8 ივლისამდე;

747,89 ლარი    -   2007 წლის 8 აგვისტომდე;

747,89 ლარი    -   2007 წლის 8 სექტემბრამდე;

4.  დაევალოს კომისიის აპარატის ადმინისტრაციულ დეპარტამენტს (მ.ქადეიშვილი; ნ.ნიჟარაძე):

ა)  სათანადო მონაცემების კომისიის სალიცენზიო  რეესტრში შეტანა;

ბ) “ლიცენზიებისა და ნებართვების შესახებ“ საქართველოს კანონის მე-13 მუხლით გათვალისწინებული მონაცემების სახელმწიფო სალიცენზიო რეესტრში გატარებისა და ლიცენზიის გაცემის თაობაზე ინფორმაციის „საქართველოს საკანონმდებლო მაცნეში“ გამოქვეყნების უზრუნველყოფა;

გ) სალიცენზიო მოწმობის გაცემის უზრუნველყოფა;

5. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, სარაჯიშვილის №1 ა ) ერთი  თვის ვადაში;

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის ადმინისტრაციულ დეპარტამენტს (ი.ხარებავა).

კომისიის თავმჯდომარე                                                         დ.ქიტოშვილი

კომისიის წევრები                                                                    დ.პატარაია

                                                                                                გ.ფრუიძე

                                                                                                ზ.ნონიკაშვილი