შპს “უშიშროების და დაცვის სამსახური – ალფასთვის” სიხშირეების მინიჭების შესახებ

საქართველოს კომუნიკაციების ეროვნული კომისია (შემდგომში “კომისია\") აღნიშნავს, რომ შპს  “უშიშროების და დაცვის სამსახურმა – ალფამ” (რეგისტრირებული ქ. ბათუმის საგადასახადო ინსპექციის მიერ 2005 წლის 17 ოქტომბრის  N 75/083-შპს  ბრძანებით) კომისიას მიმართა განცხადებით  ქ. ბათუმში და ქ. ქობულეთში მეტრულ ტალღათა დიაპაზონში ორი სიხშირის მინიჭების თაობაზე. შპს  “უშიშროების და დაცვის სამსახური - ალფას” საქმიანობის საგანია ფიზიკური პირების, ობიექტების დაცვა, ავტომანქანების გაცილება და სხვა. სიხშირეები გამოყენებული უნდა იყოს ოპერატიული რადიოკავშირისთვის დამხმარე ტექნოლოგიური დანიშნულებით.

     “ელექტრონული კომუნიკაციების  შესახებ” საქართველოს კანონის 64-ე მუხლის მე-11 პუნქტისა  და “საქართველოს კომუნიკაციების ეროვნული კომისიის საქმიანობის მარეგულირებელი წესების” 29-ე მუხლის მე-7 პუნქტის შესაბამისად,  კომისიამ

გადაწყვიტა:

1.  მიენიჭოს შპს  “უშიშროების და დაცვის სამსახურს – ალფას”  151.475 მგჰც და 157.175 მგჰც სიხშირეები ქ. ბათუმში და ქ. ქობულეთში ოპერატიული რადიოკავშირისთვის დამხმარე  ტექნოლოგიური დანიშნულებით, დროებითი გამოყენებისათვის ერთი წლის ვადით;

2. აღირიცხოს შპს  “უშიშროების და დაცვის სამსახურს – ალფასთვის” მინიჭებული სიხშირე კომისიის შესაბამის უწყებრივ რეესტრში (ა. დაბრუნდაშვილი);

3. კანონმდებლობის ცვლილების შემთხვევაში შპს  “უშიშროების და დაცვის სამსახურს – ალფასთვის”  სიხშირის მინიჭების   საკითხი  შესაბამისობაში  იქნეს  მოყვანილი  კანონმდებლობასთან;

4.  გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, სარაჯიშვილის ქ. №1ა) ერთი თვის ვადაში;   

5. კონტროლი აღნიშნული გადაწყვეტილების შესრულებაზე დაევალოს სიხშირული რესურსების მართვისა და სტანდარტიზაციის   სამსახურს (ს. შავგულიძე). 

             კომისიის  თავმჯდომარე                                                                 დ. ქიტოშვილი                                        

            კომისიის წევრი                                                                                 დ. პატარაია

            კომისიის წევრი                                                                                 გ. ფრუიძე