კერძო სპეციალიზებული (გასართობი) რადიომაუწყებლობაზე ლიცენზიის მისაღებად გამოცხადებულ კონკურსში წარმოდგენილი დოკუმენტაციის განხილვის შესახებ

  საქართველოს კომუნიკაციების ეროვნული კომისია (შემდგომში ,,კომისია’’) აღნიშნავს, რომ კომისიის 2006 წლის 11 აგვისტოს №361/10 გადაწყვეტილებით გამოცხადდა კონკურსი კერძო სპეციალიზებულ (გასართობი) რადიომაუწყებლობაზე ლიცენზიის მისაღებად ათი გადამცემის გამოყენებით:

1 ზონა: ქ. თბილისი;

2 ზონა: ქ. ბათუმი, ქობულეთის,  ხელვაჩაურის, ქედას, შუახევის, ხულოს რაიონები;

3 ზონა: თელავის, გურჯაანის, ახმეტის, ყვარლის, ლაგოდეხის, სიღნაღის, დედოფლისწაროს, თიანეთის რაიონები;

4 ზონა: მცხეთის, კასპის, გორის, ხაშურის, ქარელის, ცხინვალის, ჯავის, ახალგორის, დუშეთის, ყაზბეგის რაიონები;

5 ზონა: ქ. რუსთავი, გარდაბნის, საგარეჯოს, მარნეულის, ბოლნისის, თეთრი-წყაროს, დმანისის რაიონები;

6 ზონა: ბორჯომის, ახალციხის, ახალქალაქის, ასპინძის, ადიგენის, ნონოწმინდის, წალკის რაიონები;

7 ზონა: ქ. ქუთაისი, ხონის, ბაღდათის, ვანის, სამტრედიის, ზესტაფონის, თერჯოლის, ხარაგაულის, ლანჩხუთის, ოზურგეთის, ჩოხატაურის რაიონები

10 ზონა: ქ. ზუგდიდი და ზუგდიდის, წალენჯიხის, ჩხოროწყუს, მესტიის რაიონები;

      კომისიის 2006 წლის 11 აგვისტოს №361/10 გადაწყვეტილების შესაბამისად, კომისიაში კონკურსში მისაღებად  განაცხადი წარმოადგინა  კლასიკური მუსიკის ხელშეწყობის ასოციაციამ. 

    კომისიის 2006 წლის 11 აგვისტოს N 361/10 გადაწყვეტილებით და “მაუწყებლობის შესახებ” საქართველოს კანონის 41-ე  მუხლის შესაბამისად 2006 წლის 13 ოქტომბერს ჩატარდა მოსამზადებელი სხდომა, რომელზეც განხილული იქნა ლიცენზიის მაძიებლის მიერ წარმოდგენილი დოკუმენტაცის შესაბამისობა ”მაუწყებლობის შესახებ” საქართველოს კანონის 41-ე მუხლის მე-2, მე-3 და მე-4 ნაწილით გათვალისწინებულ მოთხოვნებთან.

    კომისია აღნიშნავს, რომ   კლასიკური მუსიკის ხელშეწყობის ასოციაციის მიერ სრულად არის წარმოდგენილი კომისიის 2006 წლის 11 აგვისტოს №361/10 გადაწყვეტილებით გათვალისწინებული დოკუმენტაცია.

   ზემოაღნიშნულიდან გამომდინარე, ”მაუწყებლობის შესახებ” საქართველოს კანონის 43-ე მუხლის მე-3 პუნქტისა  და ზოგად ადმინისტრაციული კოდექსის 177 მუხლის მე-4 ნაწილის შესაბამისად, კომისიამ

 გადაწყვიტა:

1. კლასიკური მუსიკის ხელშეწყობის ასოციაციის მიერ კომისიის 2006 წლის 11 აგვისტოს №361/10 გადაწყვეტილებით კერძო სპეციალიზებული (გასართობი)  რადიომაუწყებლობის ლიცენზიის მისაღებად გამოცხადებულ კონკურსში მონაწილეობის მისაღებად წარმოდგენილი დოკუმენტაცია შესაბამება კონკურსის პირობებს;

2. გადაწყვეტილება ცალკე გასაჩივრებას არ ექვემდებარება;

3. კონტროლი გადაწყვეტილების შესრულებაზე დაევალოს მაუწყებლობის რეგულირების დეპარტამენტს (გ. რატიშვილი).

კომისიის წევრები                                                                                  დ. პატარაია

                                                                                                                გ. ფრუიძე

                                                                                                               ზ. ნონიკაშვილი