კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა 2006 წლის 27 ოქტომბრის კომისიის N 61 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-4 მუხლის მე-17 და მე-18 პუნქტების საფუძველზე

გადაწყვიტა:

1. გადადებულ იქნეს მ/წლის 27 ოქტომბრის კომისიის N 61 სხდომის დღის წესრიგის პროექტის მე-3 საკითხის (შპს ”კავკასუს ნეთვორქსა” და სს ”საქართველოს გაერთიანებული სატელეკომუნიკაციო კომპანიას” შორის დავის განხილვის დღის დანიშვნის შესახებ) განხილვა დამატებითი ინფორმაციის წარმოდგენამდე და მე-6 საკითხის (საქართველოს კომუნიკაციების ეროვნული კომისიის 2006 წლის 11 აგვისტოს №353/22 გადაწყვეტილებით დამტკიცებულ კომისიის აპარატის საშტატო ნუსხაში ცვლილებების შეტანის შესახებ) განხილვა კომისიის რადიოსიხშირეთა მართვის, მონიტორინგისა და კოორდინაციის დეპარტამენტის უფროსის ს. შავგულიძის შვებულებიდან დაბრუნებამდე;

2. კომისიის 2006 წლის 27 ოქტომბრის N 61 სხდომის წარმოდგენილ დღის წესრიგში დამატებით შეტანილ იქნეს 1 (ერთი) საკითხი:

ა) საქართველოს კომუნიკაციების ეროვნული კომისიის 2005 წლის 28 იანვრის N 59/1 გადაწყვეტილების მე-2 პუნქტის ნაწილობრივად ბათილად ცნობისა და კომისიის 2006 წლის 6 თებერვლის N 237/2 გადაწყვეტილების პირველ პუნქტში ცვლილების შეტანის შესახებ (მომხს. კ. ყურაშვილი).

3. დამტკიცდეს კომისიის 2006 წლის 27 ოქტომბრის N 61 სხდომის დღის წესრიგი წარმოდგენილი სახით (თან ერთვის);

4. გადაწყვეტილება ცალკე გასაჩივრებას არ ექვემდებარება;

5. კონტროლი აღნიშნული გადაწყვეტილების შესრულებაზე დაევალოს კომისიის ადმინისტრაციას (ი. ხარებავა).

კომისიის თავმჯდომარე დ. ქიტოშვილ

კომისიის წევრი დ. პატარაია

კომისიის წევრი გ. ფრუიძე

კომისიის წევრი ზ. ნონიკაშვილი