ციფრების ოთხნიშნა კომბინაციის ნუმერაციის რესურსით სარგებლობის ლიცენზიის მისაღებად გამოცხადებული აუქციონის ჩაშლილად გამოცხადების შესახებ

საქართველოს კომუნიკაციების ეროვნული კომისია (შემდგომში “კომისია”) აღნიშნავს,  რომ 2006 წლის 8 სექტემბრის N 398/10 გადაწყვეტილებით გამოცხადდა აუქციონი ციფრების ოთხნიშნა კომბინაციის ნუმერაციის რესურსით სარგებლობის ლიცენზიის მისაღებად.

ლიცენზიის მაძიებლების განცხადებების მიღების ვადად განისაზღვრა 2006 წლის 19 ოქტომბრის 17:00 საათი, ხოლო აუქციონის ჩატარების თარიღად  2006 წლის 17 ნოემბრის 13:00  საათი.

კომისია აღნიშნავს, რომ ციფრების ოთხნიშნა კომბინაციის ნუმერაციის რესურსით სარგებლობის ლიცენზიის მისაღებად გამოცხადებულ აუქციონში მონაწილეობის მისაღებად კომისიისთვის არც ერთ ლიცენზიის მაძიებელს არ მოუმართავს.

ზემოაღნიშნულიდან გამომდინარე, კომისიამ

          გადაწყვიტა:

1. ჩაშლილად გამოცხადდეს კომისიის მიერ 2006 წლის 8 სექტემბრის N398/10 გადაწყვეტილებით გამოცხადებული აუქციონი ციფრების ოთხნიშნა კომბინაციის ნუმერაციის რესურსით სარგებლობის ლიცენზიის მისაღებად.

2. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, სარაჯიშვილის N 1ა) ერთი  თვის ვადაში;

3. კონტროლი აღნიშნული გადაწყვეტილების შესრულებაზე დაევალოს კომისიის აპარატის ადმინისტრაციულ დეპარტამენტს (ი.ხარებავა).                                                                                

კომისიის წევრები                                                                

დ.პატარაია                                                                                                        

გ.ფრუიძე                                                                                                           ზ.ნონიკაშვილი