“სააბონენტო ნუმერაციის გამოყენებით ადგილობრივი საკომუნიკაციო მომსახურების განსახორციელებლად ნუმერაციის რესურსით სარგებლობის ლიცენზიების მისაღებად აუქციონის გამოცხადების შესახებ” კომისიის 2006 წლის 29 სექტემბრის №417/10 გადაწყვეტილებაში ცვლილებების შეტანის

საქართველოს კომუნიკაციების ეროვნული კომისია (შემდგომში “კომისია”) აღნიშნავს, რომ 2006 წლის 29 სექტემბრის №417/10 გადაწყვეტილებით გამოცხადდა აუქციონი სააბონენტო ნუმერაციის გამოყენებით ადგილობრივი საკომუნიკაციო მომსახურების განსახორციელებლად ნუმერაციის რესურსით სარგებლობის ლიცენზიების მისაღებად. აღნიშნული გადაწყვეტილების   მე-2 პუნქტის შესაბამისად აუქციონის ჩატარების თარიღად განისაზღვრა 2006 წლის 8 დეკემბრის 13:00 საათი.

კომისია აღნიშნავს, რომ 2006 წლის 8 დეკემბრის კომისიის სხდომას ვერ დაესწრება კომისიის სამი წევრი - დავით პატარაია, გიორგი ფრუიძე და ზურაბ ნონიკაშვილი, გამომდინარე იქედან, რომ კომისიის წევრები სამსახურებრივი მივლინებით მიემგზავრებიან ჰონგ კონგში საერთშორისო სატელეკომუნიკაციო გაერთიანების მიწვევით.

საქართველოს ზოგადი ადმინისტრაციული კოდექსის 105-ე მუხლის მე-2 პუნქტის შესაბამისად: ”კოლეგიური ადმინისტრაციული ორგანო უფლებამოსილია მიიღოს გადაწყვეტილება, თუ მის სხდომას ესწრება წევრთა ნახევარზე მეტი, მაგრამ არანაკლებ 3 წევრისა.”

ზემოაღნიშნულიდან გამომდინარე, კომისიას მიზანშეწონილად მიაჩნია, რომ უნდა შევიდეს ცვლილება “სააბონენტო ნუმერაციის გამოყენებით ადგილობრივი საკომუნიკაციო მომსახურების განსახორციელებლად ნუმერაციის რესურსით სარგებლობის ლიცენზიების მისაღებად აუქციონის გამოცხადების შესახებ” კომისიის 2006 წლის 29 სექტემბრის №417/10 გადაწყვეტილებაში და აუქციონის ჩატარების თარიღად 2006 წლის 8 დეკემბრის  13:00 საათის  ნაცვლად განისაზღვროს 2006 წლის 15 დეკემბრის 12:00 საათი.

”საქართველოს ზოგადი ადმინისტრაციული კოდექსი”-ს 63-ე მუხლის შესაბამისად კომისიამ

გადაწყვიტა:

1.  შევიდეს ცვლილება კომისიის 2006 წლის 29 სექტემბრის №417/10 გადაწყვეტილებაში და მე-2 პუნქტი ჩამოყალიბდეს შემდეგი რედაქციით:

” აუქციონის ჩატარების თარიღად განისაზღვროს 2006 წლის 15 დეკემბრის 12:00  საათი;

2. დაევალოს კომისიის ადმინისტრაციას (ნ.ნიჟარაძე) აცნობოს აუქციონში მონაწილე პირებს წინამდებარე გადაწყვეტილების მიღების შესახებ;

3.   გადაწყვეტილება ცალკე გასაჩივრებას არ ექვემდებარება;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის ადმინისტრაციულ დეპარტამენტს (ი.ხარებავა).

კომისიის თავმჯდომარე                              დ.ქიტოშვილი

კომისიის წევრები                                         დ.პატარაია

                                                                      გ.ფრუიძე

                                                                     ზ.ნონიკაშვილი