კონტაქტი

საქართველოს კომუნიკაციების ეროვნული კომისია (შემდგომში ”კომისია”), აღნიშნავს, რომ 2006 წლის 20 ნოემბერს კომისიას თხოვნით მომართა შპს ”ელ სი რადიოს” დირექტორმა ლ. ბუჩუკურმა, რათა გაუქმებულიყო შპს ”ელ სი რადიოს ” მფლობელობაში არსებული № B55 ლიცენზია.

“მაუწყებლობის შესახებ” საქართველოს კანონის 38-ე მუხლის მე-4 პუნქტის, 74-ე მუხლის პირველი პუნქტის “ა” ქვეპუნქტის, საქართველოს ზოგადი ადმინისტრაციული კოდექსის 115-ე და 120-ე მუხლების შესაბამისად, კომისიამ

გადაწყვიტა:

1. დაიწყოს საჯარო ადმინისტრაციული წარმოება შპს ”ელ სი რადიოს”№ B 55 ლიცენზიის გაუქმების მიზნით;

2. შპს ”ელ სი რადიოს”№ B 55 ლიცენზიის გაუქმების საკითხის საჯარო მოსმენა გაიმართოს 2006 წლის 29 დეკემბერს, ხოლო გადაწყვეტილება აღნიშნულ საკითხზე, მიღებულ იქნას 2007 წლის 5 იანვარს;

3. გამოქვეყნდეს ცნობა ინტერნეტში კომისიის ოფიციალურ გვერდზე (ნ.ჯანელიძე);

4. გაეგზავნოს შპს ”ელ სი რადიოს” წინამდებარე გადაწყვეტილება (მ.აროშიძე) შესაბამისი თანმხლები წერილით;

5.გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, სარაჯიშვილის N 1 ა) ერთი თვის ვადაში;

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის მაუწყებლობის რეგულირების დეპარტამენტს (გ.რატიშვილი)

კომისიის თავმჯდომარე დ.ქიტოშვილი

კომისიის წევრები: დ.პატარაია

გ.ფრუიძე

ზ. ნონიკაშვილი