საქართველოს ფინანსთა სამინისტროს ფინანსური პოლიციის ოპერატიულ-ტექნიკური უზრუნველყოფის დეპარტამენტისთვის სიხშირეების მინიჭების შესახებ

     საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ საქართველოს ფინანსთა სამინისტროს  ფინანსური პოლიციის ოპერატიულ-ტექნიკური უზრუნველყოფის დეპარტამენტმა „კომისიას” მიმართა განცხადებებით  №16-17/1-224, 09.11.06, №16-17/1-225,09.11.06, და №16-17/1-226,13.11.06, საქართველოს ტერიტორიაზე მობილური სპეც-ტექნიკის გამოსაყენებლად, (150.0¸174.0) მჰც დიაპაზონში 25 კჰც სიგანის 8 სამუშაო  სიხშირის და (1700¸1850) მჰც დიაპაზონში 250 კჰც სიგანის არხებისთვის, 4 მჰც სიხშირული ზოლის გამოყოფის მოთხოვნით.

კომისია აღნიშნავს, რომ საქართველოს ფინანსთა სამინისტროს  ფინანსური პოლიციის ოპერატიულ-ტექნიკური უზრუნველყოფის დეპარტამენტის მიერ წარმოდგენილი სპეც-ტექნიკის ტექნიკური პარამეტრების, სიხშირეთა განაწილების გეგმისა და ჩატარებული რადიომონიტორინგის შედეგების გათვალისწინებით, საქართველოს ტერიტორიაზე აღნიშნული ტექნიკური საშუალებების გამოყენებისთვის  (150.0¸174.0)მჰც დიაპაზონში  გამოყოფილი იქნა 8 სამუშაო სიხშირე, ხოლო (1700¸1850)მჰც დიაპაზონში 2.5მჰც სიგანის სიხშირული ზოლი (10 არხი).

სიხშირეები და 2.5მჰც სიგანის სიხშირული ზოლი, გათვალისწინებულია საქართველოს ტერიტორიაზე,  საქართველოს ფინანსთა სამინისტროს  ფინანსური პოლიციის ოპერატიულ-ტექნიკური უზრუნველყოფის დეპარტამენტის სპეც-ტექნიკის ფუნქციონირებისთვის და  გამოყენებული უნდა იქნეს დამხმარე ტექნოლოგიური დანიშნულებით.

“ელექტრონული კომუნიკაციების შესახებ“ საქართველოს კანონის 64-ე მუხლის მე-11 პუნქტისა და საქართველოს კომუნიკაციების ეროვნული კომისიის საქმიანობის მარეგულირებელი წესების 29-ე მუხლის  შესაბამისად, კომისიამ

გადაწყვიტა:

1. მიენიჭოს საქართველოს ფინანსთა სამინისტროს  ფინანსური პოლიციის ოპერატიულ-ტექნიკური უზრუნველყოფის დეპარტამენტს  სიხშირეები:

153.675 მჰც;   153.775 მჰც; 153.825 მჰც;   154.775 მჰც;   154.975 მჰც;  155.025 მჰც; 168.750მჰც;  168.700მჰც   და  2.5მჰც სიგანის სიხშირული ზოლი (1786¸1788.5)მჰც საქათველოს ტერიტორიაზე  სპეც-ტექნიკის ფუნქციონირებისთვის   1 წლის ვადით;

2.  აღირიცხოს საქართველოს ფინანსთა სამინისტროს  ფინანსური პოლიციის ოპერატიულ-ტექნიკური უზრუნველყოფის დეპარტამენტისთვის  მინიჭებული სიხშირეები კომისიის შესაბამის  უწყებრივ რეესტრში (ა. დაბრუნდაშვილი);

3.  საქართველოს კანონმდებლობის ცვლილების შემთხვევაში საქართველოს ფინანსთა სამინისტროს  ფინანსური პოლიციის ოპერატიულ-ტექნიკური უზრუნველყოფის დეპარტამენტისთვის  სიხშირის მინიჭების საკითხი შესაბამისობაში იქნეს  მოყვანილი  კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ კოლეგიაში (ქ.თბილისი, სარაჯიშვილის 1 ა ) 1 თვის ვადაში;   

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის, მონიტორინგისა და კოორდინაციის დეპარტამენტს  (ს. შავგულიძე).

 კომისიის  თავმჯდომარე                                          დ. ქიტოშვილი

კომისიის  წევრი                                                                დ.პატარაია

კომისიის  წევრი                                                                 გ.ფრუიძე

კომისიის  წევრი                                                                 ზ.ნონიკაშვილი