კონტაქტი

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ 2005 წლის 16 დეკემბერს კომისიას წერილით მომართა შპს “მწავნე ტალღამ” ქ. თელავში FM101.1 რადიოსიხშირეზე ხელშეშლების არსებობის თაობაზე.

შპს “მწვანე ტალღა” ფლობს №1446 ლიცენზიას კერძო საეთერო რადიომაუწყებლობაზე 15 გადამცემის გამოყენებით. ლიცენზიის პირობების თანახმად ქ. თელავში რადიომაუწყებლობა განსაზღვრულია FM101.1 სიხშირეზე. კომისიას შესაძლებლად მიაჩნია შპს “მწვანე ტალღის” №1446 ლიცენზიით განსაზღვრული სიხშირე FM101.1 ქ. თელავში შეცვალოს FM106.0 სიხშირით.

2006 წლის 13 იანვარს დაიწყო საჯარო ადმინისტრაციული წარმოება შპს “მწვანე ტალღის” №1446 ლიცენზიის მოდიფიცირების მიზნით, საკითხის საჯარო მოსმენა გაიმართა 2006 წლის 3 თებერვალს.

“მაუწყებლობის შესახებ” საქართველოს კანონის 36-ე მუხლის პირველი პუნქტის “გ” ქვეპუნქტისა და 45-ე მუხლის პირველი პუნქტის “ბ” ქვეპუნქტის თანახმად, კომისიამ

გადაწყვიტა:

1. მოდიფიცირდეს შპს “მწვანე ტალღის” №1446 ლიცენზია და შეტანილი იქნას შემდეგი ცვლილება:

ლიცენზიის ტექნიკურ პარამეტრებში ქ. თელავში FM101.1 სიხშირე შეიცვალოს FM106.0 სიხშირით;

2. დაევალოს კომისიის აპარატის სატელეკომუნიკაციო და საფოსტო ბაზრის რეგულირების სამსახურს (ე. ასანიძე):

ა) სათანადო მონაცემების კომისიის სალიცენზიო რეესტრში შეტანა;

ბ) “ლიცენზიებისა და ნებართვების შესახებ“ საქართველოს კანონის მე-13 მუხლით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიაში ცვლილების შეტანის თაობაზე ინფორმაციის „საქართველოს საკანონმდებლო მაცნეში“ გამოქვეყნება;

3. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, სარაჯიშვილის №1 ა ) ერთი თვის ვადაში;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის სატელეკომუნიკაციო და საფოსტო ბაზრის რეგულირების სამსახურს (ე.ასანიძე).

კომისიის წევრები: დ. პატარაია

გ. ფრუიძე

ზ. ნონიკაშვილი