საქართველოს კომუნიკაციების ეროვნული კომისია (შემდგომში ”კომისია”) აღნიშნავს, რომ 2006 წლის 4 დეკემბერს კომისიას თხოვნით მიმართა შპს ”ელეგიას” დირექტორმა კ. ჭუმბურიძემ, რათა გაუქმებულიყო შპს ”ელეგიას” მფლობელობაში არსებული №1322  ლიცენზია.

“მაუწყებლობის შესახებ” საქართველოს კანონის 38-ე მუხლის მე-4 პუნქტის, 74-ე მუხლის პირველი პუნქტის “ა” ქვეპუნქტის,  საქართველოს ზოგადი ადმინისტრაციული კოდექსის 115-ე, 120-ე და 177-ე მუხლის მე-4 ნაწილის შესაბამისად, კომისიამ

გადაწყვიტა:

1. დაიწყოს საჯარო ადმინისტრაციული წარმოება შპს ”ელეგია”-ს № 1322 ლიცენზიის გაუქმების მიზნით;

2. შპს ”ელეგია”№ 1322 ლიცენზიის გაუქმების საკითხის საჯარო მოსმენა გაიმართოს 2007 წლის 16 თებერვალს, ხოლო გადაწყვეტილება აღნიშნულ საკითხზე, მიღებულ იქნას 2007 წლის 23 თებერვალს;

3. გამოქვეყნდეს ცნობა ინტერნეტში კომისიის ოფიციალურ გვერდზე (ნ.ჯანელიძე);

4. გაეგზავნოს შპს ”ელეგიას” წინამდებარე გადაწყვეტილება (მ.აროშიძე) შესაბამისი თანმხლები წერილით;

5. გადაწყვეტილება ცალკე გასაჩივრებას არ ექვემდებარება.

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის მაუწყებლობის რეგულირების დეპარტამენტს (გ.რატიშვილი).

კომისიის თავმჯდომარის

მოვალეობის შემსრულებელი                                                         გ. ფრუიძე

კომისიის წევრი                                                                              დ. პატარაია

კომისიის წევრი                                                                              ზ. ნონიკაშვილი