“მაუწყებელთა ქცევის კოდექსის დამტკიცების შესახებ” საქართველოს კომუნიკაციების ეროვნული კომისიის დადგენილების მიღების მიზნით დანიშნული ზეპირი მოსმენის გადადების შესახებ

საქართველოს კომუნიკაციების ეროვნული კომისია (შემდგომში “კომისია”) აღნიშნავს, რომ “მაუწყებლობის შესახებ” საქართველოს კანონის მე-8 მუხლის მე-2 პუნქტისა და  76-ე მუხლის მე-2 პუნქტის შესაბამისად, კომისიაში 2006 წლის 17 ნოემბერს დაიწყო საჯარო ადმინისტრაციული წარმოება “მაუწყებელთა ქცევის კოდექსის დამტკიცების შესახებ” საქართველოს კომუნიკაციების ეროვნული კომისიის დადგენილების მიღების მიზნით. “მაუწყებლობის შესახებ” საქართველოს კანონის 76-ე მუხლის მე-2 პუნქტის შესაბამისად, ზემოაღნიშნული დადგენილება უნდა მიღებულიყო 2007 წლის 1 აპრილამდე.“მაუწყებლობის შესახებ” საქართველოს კანონის 50-ე მუხლის შესაბამისად, მისი მიღება უნდა განხორციელდეს ლიცენზიის მფლობელებთან და საზოგადოების წარმომადგენლებთან კონსულტაციების საფუძველზე, საჯარო ადმინისტრაციული წარმოების წესით.

კომისია აღნიშნავს, რომ ზეპირი მოსმენის სხდომის დღისათვის – 2007 წლის 16 მარტისათვის საზოგადოების ზოგიერთი წარმომადგენლის გარდა სამაუწყებლო ლიცენზიის მფლობელი კომპანიების არ ჩართულან პროექტის განხილვაში.

კომისია დამატებით აღნიშნავს, რომ ზემოაღნიშნული დადგენილების მიღების ვადა “მაუწყებლობის შესახებ” საქართველოს კანონის 76-ე მუხლის მე-2 პუნქტის თანახმად, გადატანილია 2007 წლის 1 ივნისამდე.

ყოველივე ზემოაღნიშნულის გათვალისწინებით,  “მაუწყებლობის შესახებ” საქართველოს კანონის 50-ე და 76-ე მუხლების, აგრეთვე საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად, კომისიამ,

 გადაწყვიტა:

1. გადაიდოს  “მაუწყებელთა ქცევის კოდექსის დამტკიცების შესახებ” საქართველოს კომუნიკაციების ეროვნული კომისიის დადგენილების მიღების მიზნით ზეპირი მოსმენის ხდომა 2007 წლის 15 ივნისამდე;

2. გადაწყვეტილება ცალკე გასაჩივრებას არ ექვემდებარება;

3. კონტროლი აღნიშნული გადაწყვეტილების შესრულებაზე დაევალოს კომისიის აპარატის სამართლებრივ დეპარტამენტს (კ. ყურაშვილი)

კომისიის თავმჯდომარე                                                                                       

ზურაბ ნონიკაშვილი

წევრები :                                                                                                          

დავით პატარაია                                                                                                                              

გიორგი ფრუიძე