„კლასიკური მუსიკის ხელშეწყობის ასოციაციისთვის” რადიოსარელეო კავშირისთვის სიხშირეების მინიჭების შესახებ

  საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ ”კლასიკური მუსიკის ხელშეწყობის ასოციაციამ” (რეგისტრირებული საქართველოს იუსტიციის სამინისტროს მიერ 2006 წლის 20 ივლისს, რეგისტრაციის № 01295/12/0698) რომელიც ფლობს ქ. თბილისში და საქართველოს 9 ქალაქში რადიომაუწყებლობაზე კერძო მაუწყებლობის ლიცენზიას №B86, კომისიას მიმართა განცხადებებით  (შემოსული №7/131-07,14.04.07 და №7/133-07,14.04.07), ქ.თბილისში,   სტუდიიდან გადამცემ სადგურამდე (ქ.თბილისის სატელევიზიო ანძა) რადიოსარელეო ხაზის ფუნქციონირებისთვის და სტუდიიდან მოძრავ რადიოსარეპორტაჟო სადგურამდე რადიოკავშირის უზრუნველსაყოფად სიხშირეების მინიჭების მოთხოვნით.

კომისია აღნიშნავს, რომ ”კლასიკური მუსიკის ხელშეწყობის ასოციაციას” გამოეყო  1525.5 მჰც ± 0.15 მჰც  სიხშირე ქ. თბილისში, სტუდიიდან მთაწმინდის სატელევიზიო ანძამდე რადიოსამაუწყებლო სიგნალის მისაწოდებლად  რადიოსარელეო ხაზის ფუქციონირებისთვის და 230.6 მჰც ± 0.2 მჰც სიხშირე ქ.თბილისში მოძრავი რადიოსარეპორტაჟო სადგურის ფუნქციონირებისთვის, დამხმარე ტექნოლოგიური დანიშნულებით.

”მაუწყებლობის შესახებ” საქართველოს კანონის 75-ე მუხლის მე-2  პუნქტის  შესაბამისად, კომისიამ

გადაწყვიტა:

1.   მიენიჭოს ”კლასიკური მუსიკის ხელშეწყობის ასოციაციას” 1525.5 მჰც ± 0.15 მჰც     სიხშირე  ქ. თბილისში, სტუდიიდან    მთაწმინდის სატელევიზიო ანძამდე რადიოსამაუწყებლო სიგნალის მისაწოდებლად, რადიოსარელეო ხაზის ფუქციონირებისთვის და 230.6 მჰც ± 0.2 მჰც  სიხშირე ქ.თბილისში მოძრავი რადიოსარეპორტაჟო სადგურის ფუნქციონირებისთვის, დამხმარე ტექნოლოგიური დანიშნულებით, ლიცენზიის მოქმედების ვადით (ვადა 22.12.2016);

2. აღირიცხოს ”კლასიკური მუსიკის ხელშეწყობის ასოციაციისთვის”  მინიჭებული სიხშირეები კომისიის  უწყებრივ რეესტრში (რ.ქურდაძე);

3. საქართველოს კანონმდებლობის ცვლილების შემთხვევაში ”კლასიკური მუსიკის ხელშეწყობის ასოციაციისთვის”     სიხშირეების მინიჭების საკითხი შესაბამისობაში იქნეს  მოყვანილი  კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ კოლეგიაში (ქ.თბილისი, სარაჯიშვილის 1ა ) 1 თვის ვადაში; 

5. კონტროლი აღნიშნული გადაწყვეტილების შესრულებაზე დაევალოს რადიოსიხშირეთა მართვის, მონიტორინგისა და კოორდინაციის დეპარტამენტს  (ს. შავგულიძე).                                                           

კომისიის  თავმჯდომარე                                                         ზ.ნონიკაშვილი

კომისიის წევრი                                                                             დ.პატარაია

კომისიის   წევრი                                                                            გ.ფრუიძე