კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა კომისიის 2007 წლის 1 ივნისის N 34 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-4 მუხლის მე-17 და მე-18 პუნქტების საფუძველზე

გადაწყვიტა:

1. გადატანილ იქნეს N 34 სხდომის დღის წესრიგის პროექტის მე-2 საკითხი (შპს ”ინფოტელსა” და სს ”საქართველოს გაერთიანებულ სატელეკომუნიკაციო კომპანიას” შორის დავის განხილვის შესახებ) 15 ივნისის სხდომის დღის წესრიგის პროექტში;

2. დამატებით შეტანილ იქნეს N 34 სხდომის წარმოდგენილ დღის წესრიგის პროექტში (სამი) საკითხი:

ა) სს ”საქართველოს გაერთიანებულ სატელეკომუნიკაციო კომპანიისთვის” შპს ”კავკასიის ციფრული ქსელთან” გაფორმებული ურთიერთჩართვის ხელშეკრულების შეჩერებაზე თანხმობის მიცემის თაობაზე (მომხს. გ. კვალიაშვილი);

ბ) შპს ”დიასთვის” სიხშირის მინიჭების შესახებ (მომხს. ს. შავგულიძე).

გ) შპს ”ქართული რადიო” -სთვის კერძო საერთო რადიომაუწყებლობის ლიცენზიის გაცემის შესახებ (მომხს. გ. რატიშვილი);

3. დამტკიცდეს კომისიის 2007 წლის 1 ივნისის N 34 სხდომის დღის წესრიგი წარმოდგენილი სახით (თან ერთვის);

4. გადაწყვეტილება ცალკე გასაჩივრებას არ ექვემდებარება;

5. კონტროლი აღნიშნული გადაწყვეტილების შესრულებაზე დაევალოს კომისიის ადმინისტრაციულ დეპარტამენტს (ი. ხარებავა).

კომისიის თავმჯდომარე ზ. ნონიკაშვილი

კომისიის წევრი დ. პატარაია

კომისიის წევრი გ. ფრუიძე