შპს ტელეკომპანია „დიასთვის” სიხშირის მინიჭების შესახებ

  საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ შპს ტელეკომპანია „დიამ” კომისიას მიმართა განცხადებით №57 (შემოსული №7/119-07, 07.02.07), ქ.ხაშურში და მიმდებარე ტერიტორიაზე, რაც ლიცენზიის პირობებით არის განსაზღვრული, მაუწყებლობის ხარისხის გაუმჯობესების მიზნით, ქ. ხაშურის სტუდიიდან, ხაშურის მიმდებარე ტერიტორიაზე (ზემო სერი) მდებარე სატელევიზიო ანძამდე რადიოსარელეო ხაზით სიგნალის მიწოდებისთვის, 1000 მჰც - 2000 მჰც დიაპაზონში  სიხშირის მინიჭების  თხოვნით.

კომისია აღნიშნავს, რომ შპს ტელეკომპანია „დია”  №B31 ლიცენზიის (მოქმედების ვადა 31.12.2011) პირობების შესაბამისად, მაუწყებლობს  ქ.ხაშურში და მიმდებარე ტერიტორიაზე  მე-11 სატელევიზიო არხზე 10 ვატი სიმძლავრის  ტელესამაუწყებლო გადამცემის გამოყენებით.

კომისია  აღნიშნავს, რომ  შპს ტელეკომპანია „დიასთვის”  შეირჩა სიხშირე  (1045.0 მჰც ± 14 მჰც)  ზოლის სიგანით  28 მჰც, რაც გათვალისწინებულია  ქ.ხაშურში, სტუდიიდან (თამარ მეფის ქ. №1) ხაშურის მიმდაბარე ტერიტორიაზე განლაგებულ ტელესამაუწყებლო გადამცემის ანძამდე (ზემო სერი), სამაუწყებლო სიგნალის მისაწოდებლად.  სიხშირე გათვალისწინებულია რადიოსარელეო ხაზის ფუნქციონირებისთვის, დამხმარე ტექნოლოგიური დანიშნულებით გამოსაყენებლად.

”მაუწყებლობის შესახებ” საქართველოს კანონის 75-ე მუხლის მე-2  პუნქტის  შესაბამისად, კომისიამ

გადაწყვიტა:

1.   მიენიჭოს შპს ტელეკომპანია „დიას” სიხშირე 1045მჰც ± 14 მჰც, ზოლის სიგანით 28 მჰც ქ.ხაშურში, სტუდიიდან (თამარ მეფის ქ. №1)  ტელესამაუწყებლო გადამცემ სადგურემდე (ზემო სერი) სამაუწყებლო სიგნალის  მისაწოდებლად, დამხმარე ტექნოლოგიური დანიშნულებით, ლიცენზიის მოქმედების ვადით (ვადა 31.12.2011);

2. აღირიცხოს შპს ტელეკომპანია „დიასთვის”   მინიჭებული სიხშირე კომისიის უწყებრივ რეესტრში (რ. ქურდაძე);

3. საქართველოს კანონმდებლობის ცვლილების შემთხვევაში შპს ტელეკომპანია „დიასთვის”    სიხშირის მინიჭების საკითხი შესაბამისობაში იქნეს  მოყვანილი  კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ კოლეგიაში (ქ.თბილისი, სარაჯიშვილის 1 ა ) 1 თვის ვადაში; 

5.  კონტროლი აღნიშნული გადაწყვეტილების შესრულებაზე დაევალოს რადიოსიხშირეთა მართვის, მონიტორინგისა და კოორდინაციის დეპარტამენტს  (ს. შავგულიძე).                                                           

კომისიის     თავმჯდომარე                                                            ზ.ნონიკაშვილი

კომისიის    წევრი                                                                             დ.პატარაია

კომისიის   წევრი                                                                                 გ.ფრუიძე