კონტაქტი

საქართველოს კომუნიკაციების ეროვნული კომისია (შემდგომში “კომისია”) აღნიშნავს, რომ “კერძო სპეციალიზებულ (გასართობი) რადიომაუწყებლობაზე ლიცენზიის მისაღებად კონკურსის გამოცხადების შესახებ’’ კომისიის 2007 წლის 16 მარტის N155/10 გადაწყვეტილებით გამოცხადებულ კონკურსში, 2007 წლის 18 მაისის N 249/10 გადაწყვეტილებით გამარჯვებულად გამოცხადდა შპს ”რადიო საქართველო”.

კომისია აღნიშნავს, რომ “კერძო სპეციალიზებულ (გასართობი) რადიომაუწყებლობაზე ლიცენზიის მისაღებად გამოცხადებულ კონკურსში გამარჯვებულის გამოვლენის შესახებ“ კომისიის 2007 წლის 18 მაისის N 249/10 გადაწყვეტილების შესაბამისად, შპს ”რადიო საქართველოს”-ს მიერ გადახდილია სალიცენზიო გადასახდელის 30%-ს - 14507.1 (თოთხმეტი ათას ხუთას შვიდი ლარი 10 თეთრი) ლარს გამოკლებული სალიცენზიო გადასახდელის საწყისი ოდენობის წინასწარ გადახდილი 10% – 4835.7 (ოთხი ათას რვაას ოცდათხუთმეტი ლარი და 70 თეთრი) ლარი - 9671.4 (ცხრა ათას ექვსას სამოცდათერთმეტი ლარი და 40 თეთრი) ლარი საქართველოს ცენტრალურ სახელმწიფო ბიუჯეტში.

კომისია დამატებით აღინიშნავს, რომ მოსალოდნელი ხელშეშლების თავიდან აცილების მიზნით, მიზანშეწონილია საკონკურსოდ გამოტანილ სიხშირეებში შეტანილ იქნეს ცვლილება, კერძოდ ქ. ბათუმში 107.4. მჰც-ს ნაცვლად კონკურსში გამარჯვებულ კომპანიას იგივე ტექნიკური პარამეტრებით მიენიჭოს 105.7, მჰც სიხშირე და აღნიშნული ცვლილება გათვალისწინებული იქნას ლიცენზიის გაცემის შესახებ კომისიის გადაწყვეტილებაში.

“მაუწყებლობის შესახებ” საქართველოს კანონის 36-ე, 38-ე და 43-ე მუხლებისა და კომისიის 2007 წლის 18 მაისის N 249/10 გადაწყვეტილების საფუძველზე, კომისიამ

გადაწყვიტა:

1. მიეცეს შპს ”რადიო საქართველო”-ს კერძო მაუწყებლობის N B 89 ლიცენზია რვა გადამცემის გამოყენებით, ქ. თბილისში, ქ. გორში, ქ. ქუთაისში, ქ. ბათუმში, ქ. ახალციხეში, ქ. ზუგდიდში, ქ. ყვარელში და ქ. დმანისში 10 წლის ვადით;

2. ლიცენზიის სახე: კერძო რადიომაუწყებლობა;

ლიცენზიის სახეობა: სპეციალიზებული (გასართობი) რადიომაუწყებლობა;

3. მაუწყებლობის გავრცელების გეოგრაფიული ზონა და ტექნიკური პარამეტრები:

გადამცემის განთავსების ადგილი	გეოგრაფიული კოორდინატები	ანტენის სიმაღლე მიწის ზედ. მ	სიხშირე მგჰც FM	სიმძ კვტ	გასხივების დიაგრამა	შენიშვნა
თბილისი, მთაწმინდის ანძა	N 410 41’ 44” 0440 47’ 09”	85	95.1	1	წრიული
გორი, ახალდაბის ანძა	N 420 01’ 55.4” E 0440 02’ 55.8”	100	101.1	0.5	წრიული
ქუთაისი, ქუთაისის ანძა	N 420 16’ 48.9” E 0420 44’ 10.1”	90	102.3	1	წრიული
ბათუმი, მწვანე კონცხის ანძა	N 410 41’ 37.7” E 0410 42’ 54.8”	45	105.7	0.5	წრიული
ახალციხე, ახალციხის ტვ ანძა	N 410 37’ 49” E 0420 57’ 29”	46	105.9	0.5	წრიული
ზუგდიდი, ზუგდიდის ტვ ანძა	N 410 52’ 30.4” E 0440 46’ 08.7”	60	106.7	0.5	წრიული
ყვარელი, ბაისუბნის ანძა	N 410 54’ 22.7” E 0450 49’ 39.7”	40	107.3	1	წრიული
დმანისი, დმანისის ტვ ანძა	N 410 22’ 48.1” E 0440 12’ 51.9”	60	100.2	1	წრიული

4. შპს ”რადიო საქართველო” ვალდებულია:

ა) მაუწყებლობის პროცესში დაიცვას “მაუწყებლობის შესახებ” საქართველოს კანონის მე-3 მუხლის შესაბამისად განსაზღვრული მაუწყებლობის სფეროში მოქმედი კანონმდებლობა;

ბ) თავის საქმიანობაში დაიცვას პირთა უფლებები, თავისუფლებები და კანონიერი ინტერესები, წინასწარ აცნობოს მომხმარებელს მომსახურების პირობების შესაძლო ცვლილების შესახებ;

გ) კომისიას წარუდგინოს მის საქმიანობასთან დაკავშირებული კომისიის უფლებამოსილების ფარგლებში მოთხოვნილი ნებისმიერი სახის ინფორმაცია, მათ შორის მაუწყებლობის პროცესში რადიოპროგრამების გავრცელების უფლებამოსილების დამადასტურებელი დოკუმენტაცია; ყოველკვირეულად გამოაქვეყნოს მომდევნო კვირის პროგრამების განრიგი, პროგრამის დასახელებისა და მოკლე ანოტაციის მითითებით;

დ) წარუდგინოს კომისიას ინფორმაცია “მაუწყებლობის შესახებ” საქართველოს კანონით დადგენილი რეგულირების საფასურის გაანგარიშების თაობაზე და კანონმდებლობით დადგენილი წესისა და ვადების დაცვით ჩარიცხოს თანხები კომისიის ანგარიშზე;

ე) გამოყენებული ტექნიკური საშუალებები და განხორციელებული მომსახურების ხარისხი შეუსაბამოს საქართველოს ტერიტორიაზე მოქმედ ნორმატივებსა და სტანდარტებს, იქონიოს შესაბამისობისი სერთიფიკატი;

ვ) დაიცვას გამოყენებული ტექნიკური საშუალებების ექსპლუატაციის წესი;

ზ) დაიცვას ყველა ის პირობა, რომელიც მის მიერ კომისიაში ლიცენზიის მისაღებად წარდგენილ განცხადებასა და თანდართულ დოკუმენტაციაში არის ასახული, მათ შორის განახორციელოს მის მიერ წარმოდგენილი სამაუწყებლო კონცეფცია;

თ) უზრუნველყოს, საჭიროების შემთხვევაში, ლიცენზიით ნებადართული საქმიანობისათვის მოქმედი კანონმდებლობით გათვალისწინებული ნებართვების მიღება;

ი) მაუწყებლობის სფეროში მოქმედ კანონმდებლობაში ცვლილებების შეტანის შემთხვევაში, მათთან შესაბამისობაში მოიყვანოს ლიცენზიით განსაზღვრული საქმიანობა;

კ) შექმნას არქივი და არანაკლებ 1 თვის განმავლობაში შეინახოს პროგრამები;

ლ) მიიღოს ყველა ზომა პროგრამებში მოყვანილი ფაქტების ჯეროვანი სიზუსტის უზრუნველსაყოფად და დროულად შეასწოროს შეცდომები. უზრუნველყოს ფაქტების ზუსტი და სამართლიანი გაშუქება, ფაქტისა და აზრის მკაფიო გამიჯვნა და აზრის ავტორის იდენტიფიცირება. დაიცვას ”მაუწყებლობის შესახებ” საქართველოს კანონით განსაზღვრული სხვა შინაარსობრივი ვალდებულებები.

მ) ყოველწლიურად გამოაქვეყნოს და კომისიას მიაწოდოს “მაუწყებლობის შესახებ” საქართველოს კანონის 61-ე მუხლით გათვალისწინებული ინფორმაცია;

ნ) წერილობით აცნობოს კომისიას კომპანიის პარტნიორის, აქციონერის, წევრის, დირექტორის ან გამგეობის წევრის ცვლილების შესახებ, ცვლილების განხორციელებიდან არა უგვიანეს 10 დღისა.

ო) არა უგვიანეს ყოველი წლის 1 მაისისა კომისიას წარუდგინოს გასული წლის საქმიანობის ანგარიში საქართველოს კანონმდებლობისა და სალიცენზიო პირობებისა მოთხოვნათა შესრულების, მიმდინარე წლის საქმიანობის გეგმისა და დაფინანსების წყაროების შესახებ. ანგარიშს უნდა დაერთოს აუდიტის დასკვნა.

პ) უზრუნველყოს პრაქტიკული საქმიანობის დაწყება ლიცენზიის მიღებიდან 1 წლის განმავლობაში;

ჟ) უზრუნველყოს რადიოსიგნალების ხარისხიანი მიღების ხელმისაწვდომობა სამაუწყებლო ზონის 90%-სათვის “მაუწყებლობის შესახებ” საქართველოს კანონის მე-40 და 76-ე მუხლის მოთხოვნების შესაბამისად;

რ) უზრუნველყოს ლიცენზიით ნებადართული საქმიანობის დაწყებამდე 10 დღით ადრე, კომისიისთვის მის მიერ მაუწყებლობის პროცესში რადიოპროგრამების გავრცელების უფლებამოსილების დამადასტურებელი დოკუმენტების წარდგენა.

5. ლიცენზიის მფლობელის ვალდებულებები - სალიცენზიო პირობები გათვალისწინებულია საქართველოს კანონმდებლობით, ამ გადაწყვეტილებითა და მის საფუძველზე გაცემული ლიცენზიით.

6. სალიცენზიო გადასახდელის საწყისი ოდენობის დარჩენილი 70% ანუ 33.849.96 (ოცდაცამეტი ათას რვაას ორმოცდაცხრა ლარი და 96 თეთრი) ლარის გადახდა განხორციელდეს ლიცენზიის მოქმედების ვადის პირველი წლის განმავლობაში, შემდეგი რეკვიზიტებისა და გრაფიკის მიხედვით:

მიმღები	ხაზინის ერთიანი ანგარიში
ბანკი	სახელმწიფო ხაზინა
კოდი	220101222
ანგარიშის N	200122900
სახაზინო ქვეანგარიში	300043021
დანიშნულება	სალიცენზიო გადასახდელი

2820.83 ლარი - 2007 წლის 15 ივლისამდე;

2820.83 ლარი - 2007 წლის 15 აგვისტომდე;

2820.83 ლარი - 2007 წლის 15 სექტემბრამდე;

2820.83 ლარი - 2007 წლის 15 ოქტომბრამდე;

2820.83 ლარი - 2007 წლის 15 ნოემბრამდე;

2820.83 ლარი - 2007 წლის 15 დეკემბრამდე;

2820.83 ლარი - 2008 წლის 15 იანვრამდე;

2820.83 ლარი - 2008 წლის 15 თებერვლამდე;

2820.83 ლარი - 2008 წლის 15 მარტამდე;

2820.83 ლარი - 2008 წლის 15 აპრილამდე;

2820.83 ლარი - 2008 წლის 15 მაისამდე;

2820.83 ლარი - 2008 წლის 15 ივნისამდე.

7. დაევალოს კომისიის აპარატის ადმინისტრაციულ დეპარტამენტს:

ა) აცნობოს შპს ” რადიო საქართველოს ”-ს აღნიშნული გადაწყვეტილების მიღების თაობაზე (ნ. ჯავახიძე);

ბ) გადაწყვეტილების ინტერნეტში კომისიის გვერდზე გამოქვეყნება (ნ. ჯანელიძე);

გ) სათანადო მონაცემების კომისიის სალიცენზიო რეესტრში შეტანა (დ. კიკნაძე).

8. დაევალოს კომისიის აპარატის მაუწყებლობის რეგულირების დეპარტამენტს:

ა) “ლიცენზიებისა და ნებართვების შესახებ“ საქართველოს კანონის მე-13 მუხლით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიის გაცემის თაობაზე ინფორმაციის „საქართველოს საკანონმდებლო მაცნეში“ გამოქვეყნება (ა. შუშანაშვილი);

ბ) სალიცენზიო მოწმობის გაცემის უზრუნველყოფა (მ. აროშიძე).

9. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, სარაჯიშვილის ქ. N 1ა) ერთი თვის ვადაში;

10. კონტროლი აღნიშნული გადაწყვეტილების შესრულებაზე დაევალოს კომისიის აპარატის მაუწყებლობის რეგულირების დეპარტამენტს (გ. რატიშვილი).

კომისიის თავმჯდომარე ზ. ნონიკაშვილი

კომისიის წევრები დ. პატარაია

გ. ფრუიძე