საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა კომისიის 2007 წლის 26 იანვრის N 5 სხდომაზე წარმოდგენილი დღის წესრიგის პროექტი,  საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-4 მუხლის მე-17 და მე-18 პუნქტების საფუძველზე

გადაწყვიტა:

1. გადატანილ იქნეს მ/წლის კომისიის № 4 სხდომის დღის წესრიგის პროექტის მე-6 და მე-7 საკითხების (შპს ”ახალ ქსელებსა” და სს ”საქართველოს გაერთიანებულ სატელეკომუნიკაციო კომპანიას” შორის და შპს ”ახტელსა” და სს ”საქართველოს გაერთიანებულ სატელეკომუნიკაციო კომპანიას” შორის დავის განხილვის შესახებ) განხილვა 2 კვირით სს ”საქართველოს გაერთიანებული სატელეკომუნიკაციო კომპანიის”  წერილის (№ 6/68-07, 26,01,2007) საფუძველზე;

2. დამატებით შეტანილ იქნეს  წარმოდგენილ N 5  სხდომის დღის წესრიგის პროექტში  3 (სამი) საკითხი:

ა) შპს ”სუფსა ტექნოკომის” გაფრთხილების თაობაზე (მომხს. კ. ყურაშვილი);

ბ) შპს ”მედია ტვ”-ის გაფრთხილების თაობაზე (მომხს. კ. ყურაშვილი);

გ) ”სააბონენტო ნუმერაციის გამოყენებით ადგილობრივი საკომუნიკაციო მომსახურების განსახორციელებლად ქ.რუსთავში ნუმერაციის რესურსით სარგებლობის ლიცენზიების მისაღებად აუქციონების გამოცხადების შესახებ” კომისიის 2007 წლის 18 იანვრის  №34/8 გადაწყვეტილებაში დაშვებული ტექნიკური შეცდომის გასწორების შესახებ (მომხს. ნ. ნიჟარაძე).

3. დამტკიცდეს კომისიის 2007 წლის 26 იანვრის N 5 სხდომის დღის წესრიგი წარმოდგენილი სახით (თან ერთვის);

4.  გადაწყვეტილება ცალკე გასაჩივრებას არ ექვემდებარება;

5. კონტროლი აღნიშნული გადაწყვეტილების შესრულებაზე დაევალოს კომისიის ადმინისტრაციულ დეპარტამენტს (ი. ხარებავა).

                                    კომისიის წევრი                                                        დ. პატარაია

                                   კომისიის წევრი                                                          გ. ფრუიძე

                                    კომისიის წევრი                                                         ზ. ნონიკაშვილი