კონტაქტი

საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ შპს ”საქართველოს ხმა” ფლობს კერძო მაუმწყებლობის B67 ლიცენზიას (ვადა 29.07.2013) და ლიცენზიის ტექნიკური პირობების შესაბამისად, საეთერო რადიომაუწყებლობას ახორციელებს ქ.თბილისში 107.9მჰც სიხშირეზე 1.0 კვტ გადამცემის გამოყენებით.

შპს ”საქართველოს ხმამ” კომისიას მიმართა განცხადებით (შემოსული №/218-07, 18.07.07), ქ.თბილისში, სტუდიიდან (შარტავას ქ. №18ა) მთაწმინდის სატელევიზიო ანძამდე სამაუწყებლო სიგნალის მისაწოდებლად, 8გჰც სიხშირულ დიაპაზონში რადიოსარელეო ხაზის გამოყენებისთვის, სიხშირის მინიჭების მოთხოვნით.

კომისია აღნიშნავს, რომ შპს ”საქართველოს ხმას” ქ.თბილისში, რადიოსარელეო ხაზის ფუნქციონირებისთვის მონაკვეთზე, სტუდია (შარტავას ქ. №18ა) - მთაწმინდის სატელევიზიო ანძა, გამოეყო სიხშირე 8560მჰც ± 12მჰც.

სიხშირე 8560მჰც ± 12მჰც, გათვალისწინებულია ქ.თბილისში სტუდიიდან (შარტავას ქ. №18ა) მთაწმინდის სატელევიზიო ანძამდე სამაუწყებლო სიგნალის მისაწოდებლად და გამოყენებული უნდა იქნეს დამხმარე ტექნოლოგიური დანიშნულუბით.

”მაუწყებლობის შესახებ” საქართველოს კანონის 75-ე მუხლის მე-2 პუნქტის შესაბამისად, კომისიამ

გადაწყვიტა:

1. მიენიჭოს შპს ”საქართველოს ხმას” სიხშირე 8560მჰც ± 12მჰც ქ. თბილისში, სტუდიიდან (შარტავას ქ. №18ა) მთაწმინდის სატელევიზიო ანძამდე სამაუწყებლო სიგნალის მისაწოდებლად დამხმარე ტექნოლოგიური დანიშნულებით, ლიცენზიის მოქმედების ვადით (ვადა 29.07.2013);

2. აღირიცხოს შპს „საქართველოს ხმისთვის” მინიჭებული სიხშირე კომისიის უწყებრივ რეესტრში (რ.ქურდაძე);

3. საქართველოს კანონმდებლობის ცვლილების შემთხვევაში „საქართველოს ხმისთვის” სიხშირის მინიჭების საკითხი შესაბამისობაში იქნეს მოყვანილი კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ კოლეგიაში (ქ.თბილისი, სარაჯიშვილის 1 ა ) 1 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს რადიოსიხშირეთა მართვის, მონიტორინგისა და კოორდინაციის დეპარტამენტს (ს. შავგულიძე).

კომისიის თავმჯდომარე ზ.ნონიკაშვილი

კომისიის წევრი დ.პატარაია