დაცვის პოლიციის დეპარტამენტისთვის სიხშირეების მინიჭების შესახებ

  საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ საჯარო სამართლის იურიდიულმა პირმა - დაცვის პოლიციის დეპარტამენტმა, კომისიას მიმართა განცხადებით (№41/1/22-6587,10.07.07) საქართველოს ტერიტორიაზე, დაცვითი სისტემების ტექნიკური გადაიარაღების მიზნით, მაღალსიხშირული კავშირის სისტემის შესაქმნელად, 5გჰც სიხშირულ დიაპაზონში 20მჰც სიგანის სიხშირული ზოლის მინიჭების მოთხოვნით.

კომისია აღნიშნავს, რომ დაცვის პოლიციის დეპარტამენტისთვის შერჩეულ იქნა სიხშირე 5660მჰც±10მჰც.. 

სიხშირე 5660მჰც±10მჰც, გათვალისწინებულია საქართველოს ტერიტორიაზე დაცვითი სისტემის  რადიოტერმინალების ფუნქციონირებისთვის და  გამოყენებული უნდა იქნეს დამხმარე ტექნოლოგიური დანიშნულებით.

“ელექტრონული კომუნიკაციების შესახებ“ საქართველოს კანონის 64-ე მუხლის მე-11 პუნქტის შესაბამისად, კომისიამ

გადაწყვიტა:

 1.   მიენიჭოს დაცვის პოლიციის დეპარტამენტს სიხშირე 5660მჰც±10მჰც, ზოლის სიგანით 20მჰც, საქართველოს ტერიტორიაზე დაცვითი სისტემის  რადიოტერმინალების ფუნქციონირებისთვის, დამხმარე ტექნოლოგიური დანიშნულებით, ერთი წლის ვადით;

2. აღირიცხოს დაცვის პოლიციის დეპარტამენტისთვის მინიჭებული სიხშირე კომისიის  უწყებრივ რეესტრში (რ.ქურდაძე);

3. საქართველოს კანონმდებლობის ცვლილების შემთხვევაში დაცვის პოლიციის დეპარტამენტისთვის სიხშირეების მინიჭების საკითხი შესაბამისობაში იქნეს  მოყვანილი  კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ კოლეგიაში (ქ.თბილისი, სარაჯიშვილის 1 ა ) 1 თვის ვადაში;   

5. კონტროლი აღნიშნული გადაწყვეტილების შესრულებაზე დაევალოს რადიოსიხშირეთა მართვის, მონიტორინგისა და კოორდინაციის დეპარტამენტს (ს. შავგულიძე).

 კომისიის  თავმჯდომარე                                                            ზ.ნონიკაშვილი

კომისიის  წევრი                                                                           დ.პატარაია